Bhilali Bible
भजन सहीता 123
दया वाटे दुवा
मंदीरेन तीरथ करनेन टेमे गावे चो गीत:
ए सरगेम रवण्या भगवान,
मे तार भीणी आस करीन भाळो!
जसा चाकर्या आपसा मालीक भीणी आस करीन भाळे,
ने पावरनी आपसी मालकीन भीणी आस करीन भाळे,
तसात ए हामरा यहोवा भगवान हामु तार भीणी भाळता रवजे,
ज्तयार लक चु हामरे पर दया करीन हामरी आस पुरी नी करे।
ए यहोवा भगवान हामरे पर बेसकी दया कर,
ए यहोवा भगवान हामरे पर बेसकु दया कर, काहाकी हामरी ते बेसकी नाव-बद्दी हंय रय।
हामरु जीव मातला माणसेन वात सामळी सामळीन घांगवाय गुयु,
ने हासी ठट्टा ने मटाय करन्या हामरी नावबद्दी कर्या करे।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.