Bhilali Bible
भजन सहीता 23
यहोवा भगवान मारु गुवाळ्यु छे
दावुदेन मीसमर भजन
यहोवा भगवान गाडरा-गुवाळ्यान तसु छे;
तेरेमां मेसेक काहनी बी चीजेन कसर नी पड़े।
चु मेसेक नीळ्ळा चारान बयड़ा मां गुठाण बसाड़े;
ने चु मार अगळ-अगळ चालीन मेसेक आछानीर पाणीन झीरेन्चां ली जाय;
ने मारा जीवेक नवली ताकत आपे।
ने भगवान आपसा वायदान अनसारे मारी अगवाय करीन मेसेक धरमेन वाट्ये चालाड़े।
ए यहोवा भगवान! तु ते मार पुठे रवे,
ने तु आपसे सुट्ये ने डेंगा सी मारी राखवाळी करे।
हेरेसी भले मेसेक आंदाराडुब खुयारा माय्न चालीन जाणु पड़े,
तेबी मे नी बीहो।
मारा वेरीन टुळाम सी माणसे मेजवान्यान तसा आव-भाव करे;
तसुत तु मारु आव-भाव करे;
ने तु वेरीन मुणका पर तेल चुपड़्यु,
ने मेसेक पंगत मां बठाड़ीन मारी मेजवानी कर्यु।
छाचलीन भलाय ने दया जलमकी मेसेक जड़ती रवे।
ए यहोवा भगवान, मे तारी भक्ती करतु जाय्न, तारा घरमां जलम रय्स।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.