भजन सहीता 24

आखाम सी मट्‌लु राजा

दावुद का भजन

1धरती ने जो कांय धरती पर छे; चो आखो यहोवा भगवानेन छे।1

जी कळ ने ईनी कळीम रवण्‌या आखा माणसे बी तेरात छे।

2काहाकी चु वारु नेहु उठाड़ी समुदर पर धरतीक टेकाड़्‌यु;

ने चु धरतीन नेहु पाणीन उंडाराम सी बणायु।

3यहोवा भगवानेन बयड़ा पर कुणीक चहड़ायसे?

तेरा चुखला-जागाम कुणीक उबो रवायसे?2

4तेरा हातेन काम नी-गुनाळा हंय

गुया ने आपसो मन झुटला भगवान पर नी लागाड़्‌यु हय,

ने चु धुकु देणे करीन सगुन नी खादु हय।3

5चु यहोवा भगवान भीणी सी संयबरकत हात करसे,

ने बचाड़न्‌या भगवान भीणी सी धरमी कहवायसे।

6चेत माणसे जे भगवान काजे देखणे करीन तळफी रया;

चेत याकुबेन खरली अवल्‌यात छे।

7ए मटला बारना, आपणो मुणको उचो करु!

ए जलमका बारना, उघड़ी जावु;

काहाकी आखाम सी सेकवाळु मट्‌लु राजु माहें भरायसे।

8अतरु सेकवाळु मट्‌लु राजु कुण छे?

आखान जुरभर्‌यु ने ताकतवाळु,

यहोवा भगवानुत सेकवाळु मट्‌लु राजु छे, यहोवा भगवानुत लड़ाय मां जीताड़ने वाळु छे।

9ए मटला बारना, आपणो मुणको उचो करु!

ए जलमका बारना, उघड़ी जावु!

काहाकी मट्‌लु ताकतवाळु राजु माहें भरायणेवाळु छे।

10चु ताकतवाळु मट्‌लु राजु कुण छे?

सरगेन सीपायड़ान यहोवा भगवानुत, आखाम सी ताकतवाळु मट्‌लु राजु छे।