Bhilali Bible
भजन सहीता 6
गरान टेमे मदत वाटे दुवा
गावण्यान डाहला वाटे: सेमीनीथ रेंग मां तारवाळा वाजा पुठ्ये गावजु दावुदेन लिखलो एक भजन
ए यहोवा भगवान, तु मेसेक रीसवाय्न मां लड़े;
ने झीचकारीन मेसेक सुदारने करीन डंड मां आपे।1
मे ते मांदु पड़ीन लुलु हंय गुयलु; तेरेमां ए यहोवा भगवान, मार पर दया कर। मारा हाटका ते बेसका दुखे;
अळतेन ए यहोवा भगवान, मेसेक वारु कर दे;
मारु जीव बेसकु घाबराय रयु; ए यहोवा भगवान,
कत्यार लग मे तारी वाट देखीस?
ए यहोवा भगवान मारेन्चां पछु आत रव, ने मेसेक छुड़ाय ले।
तारी दया ने परम सी मेसेक बचाड़ ले।
जत्यार माणसे मर जाय, ती तींद्रा धड़ तुसेक हेर नी करे; ने जत्यार माणसे तीनुक मसाण्या मां गाड़ देय,
ती तींद्रा धड़ तारी बड़ाय नी करे।
ए भगवान, मे कासी-कासीन हारी पड़्यु;
आखी रात रड़ी-रड़ीन मारो गुदड़ो भीगी गुयो,
ने मारो ईसो आसळा सी भीगी गुयो।
मारा वेरी मेसेक बेसका वेला पाड़े,
ने रड़ी-रड़ीन मारा डुळा ते राता-सेड़ हंय गुया,
तेरेमां मारा डुळा धुंदळा हंय गुया।
ए कुहर्या माणसे, तुहुंं आखा मारेन्चां सी ढास जावु;
काहाकी यहोवा भगवान मारो रड़नु सामळी लेदु।2
यहोवा भगवान मारी लीलघाय सामळी लेदु।
चु ते मारी दुवान जपाप मामार आपणेवाळु छे।
मारा आखा वेरी लाजवाय्न, बेसका घाबराय जासे;
चे उचकाणुन लाजवायसे ने पछा ढास जासे।
Source notes (2)
- Cross-reference भजन सहीता 38:1
- Cross-reference मत्ती 7:23; लुका 13:27
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.