Bhilali Bible
भजन सहीता 125
भगवानेन माणसेन राखवाळी
मंदीरेन तीरथ करनेन टेमे गावे चो दावुदेन गीत
जे यहोवा भगवान पर भुरसु करन्या, सीयोन बयड़ान तसा काठा छे,
जु टळे नी, बाकुन जलम टेकलु रवे।
जसा बयड़ा यरुसलेम सहर काजे च्यारे-मेर घेरवीन राखवाळी कर रया,
तसुत यहोवा भगवान आपसा असामीक च्यारे-मेर हंय सी लीन,
जलम लक राखवाळी करसे।
काहाकी कुहर्या माणसे राजेन डंड धरमी माणसेन वाटा पर बणीन नी रवे,
असो नी हवे की धरमी आपणा हात कुहराय करने अगा करे।
ए यहोवा भगवान, भलास्या माणसेन भलो कर,
तींद्रा मन मां खुड़ नी हय, तींद्रो भलो कर।
ए यहोवा भगवान, कुहर्या माणसेक डंड आप,
ने तीनु असामीक बी डंड आप, जे खरली वाट छुड़ीन वाक्ये-ढेक्ये वाट्ये चालने बाजी जाय।
ईस्रायल देसेन माणसे पर सुक-सांती छावाय रवणु चाहजे!
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.