Bhilali Bible
भजन सहीता 100
यहोवा भगवानेन बड़ायन गीत
भगवानेन बड़ायन मीसमर भजन
ए धरतीन आखा माणसे यहोवा भगवानेन खुसीन गीत गावु।
खुस हय्न यहोवा भगवानेन सेवा भक्ती करु;
खुसीन गीत गावता जाय्न तेरे भीणी आवु।
आखा जाणनुत चाहजे की, यहोवात भगवान छे।
हयुत आपणुक घड़लु छे, ने आपणु तेरात छे,
आपणु ते तेरा माणसे छे, तेरी चराय्न गाडरा छे।
तीनाक बेसकु वारु कवता जाय्न, तेरा मंदीरेन अवारकुटेन बारना भीणी जावु,
ने बारना माय्न तेरी बड़ाय करता जाय्न मंदीरेन आंगणा मां भरायु।
तीनाक बेसकु वारु कवु ने तेरा नावेक वारु कवु।
काहाकी यहोवा भगवान भलास्यु छे;
तारी दया ने परम जलमकोत रवसे,
ने तेरी खराय पीड़ी-डीट टेकली रवसे।1
Source notes (1)
- Cross-reference 1 ईतीहास 16:34; 2 ईतीहास 5:13; 7:3; एज्रा 3:11; भजन सहीता 106:1; 107:1; 118:1; 136:1; यीरम्या 33:11
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.