Bhilali Bible
भजन सहीता 11
यहोवा भगवानुत पर भुरसु छे
भजन-गावण्यान डाहला वाटे: दावुदेन भजन
मे यहोवा भगवानेत पर भुरसु छे;
ती तुहुंं मेसेक असा काहा कय रया, बचणु हंय ती,
चिरलान तसु उडीन बयड़े ढास जा;
काहाकी देख, खरला माणसेक बीलखी ताणने करीन, कुहर्या माणसे आंदारला मां रय्न धंद्ली चड़ाय रया,
तेरेमां की पींछ्याम बीलखी भरीन तकाय रया।
कदी आखा नेहात काजे उखाळीन नाख देय,
ती धरमी माणुस काय कर लेसे?
यहोवा भगवान आपसा चुखला मंदीर मां छे;
तेरी राजगादी ते सरग मां छे;
अळतेन चु आखा माणसे पर नींगा करे;
ने चे जो कांय करे, चो आखो जाणे।
यहोवा भगवान धरमी ने कुहर्या माणसे काजे पारखे,
बाकुन तीनुक लड़ाय झगड़ु करनु वारु लागे, तीनु माणसे भीणी चु रीस करे।
तीनु कुहर्या पर भगवान हळो-हळो धपतेला कुयला,
ने गंधकेन-इगाळा नाखसे; ने चु, झाळ वाळी आच सी तीनुक डंड आपसे।
काहाकी यहोवा भगवान धरमी छे;
तीनाक धरमेन वारलु कामुत वारु लागे, धरमी माणसे भगवान पुठे रवसे।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.