Bhilali Bible
भजन सहीता 61
राखवाळी वाटे दुवा
दावुदेन भजन, भजन गावण्यान डाहला वाटे तार वाळा वाजा पुठ्ये गावजु
भगवान, मारो आयड़नु सामळ,
मारी दुवा भीणी धीयान दे।
जत्यार मारो मन हदस खाय जाय,
तत्यार मे धरतीन खुणे-कुपरे रय्न तुसेक आयड़ो।
हेरेसी मेसेक बचाड़ने करीन,
उंचला चापर्या पर ली जा।
काहाकी तु मारु आसरु छे,
ने मारा वेरी सी बचणे करीन, मार वाटे उचला मीनार सारकु छे।
मे तारा डेरा मां जलमकु रय्स।
ने तारा पाखड़ा तळे आसरु लीस।
ए भगवान, तु ते मारी मान्ता सामळी लेदलु छे;
तु मेसेक चीत जागा आपलु छे, ची जागा तारो बीहाणो मानन्याक जड़े।
ए भगवान तु राजान उमर वदाड़ दे,
चु बेसकी पीड़ी लग जीवसे।
चु, तार अगळ जलम जीवतेलु रवे,
तु तेरी राखवाळी वाटे, तारी दया ने सचाय्न पहरु बसाड़।
तत्यार मे दाहड़ीन तार नावेन भजन गाय-गाय्न,
मे लेदलु ची मान्ता, छुट्या करसे।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.