भजन सहीता 43

छुटकारा वाटे दुवा

1ए भगवान, मारु नीयाव कर,

कुरुट-कचेवरी मां जाय्‌न मारे वगु वळ;

मेसेक ईनी वीन-भुरसा माणसेम सी, ठगण्‌या ने खुड़ला माणसेम सी छुड़ाव।

2काहाकी ए भगवान तुत मारु आसरु छे,

तु मेसेक काहा छुड़ देदु?

मारा वेरी मेसेक वेला पाड़े,

करीन मे काहा रड़तु-कलपतु ने ढासतु फीर रयु?

3तारो वीजाळो ने तारी छाचाय मकल,

चेत मेसेक वाट देखाड़नु चाहजे, चेत मेसेक तारा चुखला बयड़ा पर,

तारा रवणेन जागा पर मकले!

4तत्‌यार मे भगवानेन वेदीन्‌चां जाय्‌स,

भगवानेन्‌चां जाय्‌स चु मारी खुसीन झीर छे;

ने ए भगवान, ए मारा भगवान, मे झुणगु वाजाड़ी-वाजाड़ीन

तारा गुण गाया करीस।

5ए मारा जीव, तु काहा फीकुरेम पड़ रयु?

ने मारेम मांहे-की मांहे काहा घाबराय रयु?

भगवान पर आस कर।

मारु भगवान ते मेसेक छुड़ावणेवाळु छे। अळी पछु मे भगवानेन मंदीरेम हजुर हय्‌स;

ने अळी पछु तीना भगवानेन गुण गाय्‌स।