Bhilali Bible
भजन सहीता 113
बड़ाय करने लायक नाव
यहोवा भगवानेन बड़ाय करु।
ए यहोवा भगवानेन चाकर्या, तेरी बड़ाय करु।
यहोवा भगवानेन नावेन गुण गावु।
यहोवा भगवानेन नाव,
हंय सी लीन जलम लक बेसको वारु कह्वाय जाय।
उगवणो सी लीन बुडवणो तक
यहोवा भगवानेन नाव बड़ायन लायक छे।
यहोवा भगवान आखी जाती पर मटु छे;
ने तेरु सेक-सींगार ते सरग मंडळी सी बी उचु छे।
आपणा यहोवा भगवान बराबर कुण छे?
चु ते आखाम सी उचा सरगेन राजगादी पर बठ रयु।
ने तेबी चु, ढंगु वळीन,
नेचला सरग भीणी, ने धरती भीणी भाळे।
चु गरीब काजे धुळाम सी हाकलीन तेरा दाहड़ा वाळ देय।
चु कसरायला काजे उरकड़ाम सी हाकलीन तेरा दाहड़ा वाळ देय;
ने तीनाक पुडारी बणावे।
चु तीनाक आपसा असामीन पुडार्या पुठ्ये बसाड़ देय।
चु वांझी काजे पुर्या आपीन खुस करे;
तीनीक पुर्या-पारीन माय बणाय्न तेरो घर-बार वाळ देय।
यहोवा भगवानेन बड़ाय करु।
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.