Bhilali Bible
भजन सहीता 150
यहोवा भगवानेन बड़ाय करु
हालेलुया कय्न यहोवा भगवानेन बड़ाय करु!
भगवानेन चुखला मंदीर मां रय्न हेरी बड़ाय करु;
तेरी ताकुत काजे उजेंती करनी सरग मंडळीन साहरे तेरी बड़ाय करु।
तेरा जुर-भर्या कामेन साहरे तेरी बड़ाय करु; चु बेसकु जुरभर्यु छे,
तेरेमां तेरे अनसारे तेरी बड़ाय करु!
सींगो वाजाड़ीन तेरी बड़ाय करु,
रमथु ने झुणगु वाजाड़ीन तेरी बड़ाय करु।
डुमेकड़ी वाजाड़ीन ने नाच्ता जाय्न हेरी बड़ाय करु;
तारवाळा वाजा ने पावळी वाजाड़ीन तेरी बड़ाय करु!
खळखीच्यान छमकारा भेळु तेरी बड़ाय करु;
झजणे असा खळखीच्यान छमकारा भेळ तेरी बड़ाय करु।
जे बी जीवत्ला छे, चे आखान आखा यहोवा भगवानेन बड़ाय करनु चाहजे!
हालेलुया कय्न यहोवा भगवानेन बड़ाय करु!
Bhilali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.