Jeremia

Buk pa

JEREMIA

Lanyut wilok madito ma i buk man

Lanebi Jeremia okwo i agiki me mwaka miya abiro nio kwede wa i acaki me mwaka miya abicel (i mwaka ma peya kinywalo Yecu Kricito). Ikare ducu me tice, en obedo ka juku jo pa Lubanga kun tito pi peko ma bipoto ikom lobogi pi timgi me woro cal jogigu kacel ki pi balgi. En obedo kwo nio ka lok ducu ma en otito ocobe kakare, kadi wa kit ma taun madit me Jerucalem opoto kwede i cing Nebukadnejar rwot me Babilon, ki kit ma kimuku kwede ki Ot pa Lubanga, kacel ki tero rwot me Juda ki lwake i Babilon. En bene otito pi dwogo cen pa lwak ma kiterogi i opii ki kit ma kibiroco kwede ki lobogi odoco.

Lok ma i

Jeremia onongo obedo dano ma paro pi dano dok onongo omaro jone matek tutwal, ki dok bene onongo iye dag tucu lok me ngolo kop ma kiore kwede ikomgi. I dul coc mapol en obedo kalok ikom can ma en owok ki iye pien Lubanga onongo olwonge me bedo lanebi. Lok pa Lubanga onongo obedo calo mac ma wang i cwinye ma en pe twero gwokone i cwinye labongo titone kamaleng.

Lok mogo madito tutwal ki i buk man cimo pi gin ma bitime inge peko ma opoto ikom Jeremia oo kwede bene wa ikare ma kibibedo ki gicike manyen, ma en aye gicike ma jo pa Lubanga gibilubu labongo lapwony mo ma myero kong dok opo wigi pire, pien nongo dong kicoyo loke woko i cwinygi 31:31-34.

Lacim wilok madito ma i buk man

Lubanga olwongo Jeremia

Lok me nebi ikare me loc pa Jocia, Yekoyakim, Yekoyakin, ki Jedekia

Gin ma otime i kwo pa Jeremia

Lok me nebi ikom rok mapatpat

Poto pa Jerucalem