भज़न

भज़न

राज़ै, गूर, प्रोहतै लिखै दै भज़न अर गिहा

भेत

लिखणैं आल़ै: राज़ै, गूर, प्रोहत

सन: 1440 का 430 ईसा आजी

ऐहा कताबा दी आसा कबिता अर भज़न लिखै दै, अह कताब आसा बी सोभी का लाम्मी कताब। इना कबिता अर भज़ना लिखणैं आल़ै आसा कई ज़िहअ कि, राज़अ दाबेद, असाप, कोराहे शोहरू, राज़अ सुलैमान, एतान, हमान मोसा अर होर, तिन्‍नें बारै निं खास थोघ आथी। तिंयां लिखणैं आल़ै तै राज़ै, प्रोहत, लेबी खिंबा मांझ़ा का ज़ुंण राज़ै दाबेदे राज़ा दी बिधाते पबित्र ज़ैगा बिधाते पूज़ा-गाज़ा करने गाणैं-बज़ाणें ज़िम्मैंबारी सभाल़ा तै।

ईंयां भज़न आसा खासकर परमेशरे रच़ना, जुध, च़ाकरी, अक्ल, पाप, बूराई, सज़ा, नसाफ अर मसीहा एछणें बारै। भज़न लिखणैं आल़ै दैआ पहल़णैं आल़ै च़कणी कि परमेशर अर तेऊए कामों गूण गाणअ ज़रूरी। खरीए पलका आसा सह ई हाम्हां लै शुचअ-पाक्‍कअ अर हाम्हां लागा एता करै थोघ कि तेऊओ बैण आसा अटल़।

सोभी का आजी विश्वास करनै आल़ै मणछ बी बोला तै परमेशरे स्तोती करना लै इना भज़ना। सखाऊंणा लै अर प्रभू ईशूए खुशीए समादा खोज़णा लै बी हआ तै ईंयां ई भज़न कि मसीहा ईशू हाम्हां लै किज़ै किअ। 118 भज़ने अह गल्‍ल आसा नऊंऐं बधाना दी छ़हा बारी:

ज़ुंण पात्थर मिस्त्री बृथा समझ़अ त,

तंऐं बणाअं सह ई पात्थर सोभी का खास।

(118:22)

कताबे बांड

मसीहे भज़न 1:1—41:13

मानत पूरी हणें भज़न 42:1—72:20

इज़राईलीए बारै भज़न 73:1—89:52

राज़े बारै भज़न 90:1—106:48

बिधाते बड़ैई करने भज़न 107:1—150:6