Kulvi Outer Seraji Bible
भज़न 23
असली फुआल
राज़ै दाबेदो भज़न
हे बिधाता, तूह आसा मेरअ फुआल,
तूह करा मेरी हर गरज़ पूरी।
तूह च़राऊआ मुंह हरै घाहे घैहणीं दी,
तूह निंयां मुंह ज़ाईरू पाणींए छ़ोआ नेल़ अर
तूह दैआ मेरअ शाह हरअ फरेऊई।
तूह नढैऊआ मुंह धर्मीं बाता
ज़िहअ सह बोला तिहअ ई।
ज़ै हुंह नटिप्प न्हैरै बाती बी हांढे,
हुंह निं तेथ बी डरदअ किल्हैकि
तूह बिधाता हआ मुंह संघा।
तेरी कुंगल़ी चुंडीए शोठी1 करा मेरी फाज़त।
मेरै दुशमणा नदरी दैआ तूह मुल्है खाणां लै भोज़,
तूह करा मेरअ अदर इहअ कि
हुंह आसा तेरअ सोभी का खास प्राहुंणअ,
अर मेरी बाटी दैआ तूह टिरा बहूंदी बर्गत भरी।2
अह गल्ल आसा पाक्की कि तूह झ़ूरा मुल्है अर ताह करनी मुल्है सदा झींण,
हे बिधाता, मुंह बस्सणअ तेरै घअरै सदा-सदा लै।
Source notes (2)
- Footnote कुंगल़ी चुंडीए शोठी डागै चैणैं छ़ेल़्हणै, बाता हांढणे अर डाल़ी बुटी खिंच़णें शोठी
- Cross-reference लूक. 7:46
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.