Kulvi Outer Seraji Bible
भज़न 125
बिधाता डाहा आपणीं परज़ा राज्ज़ी-राम्बल़ै
हांढा लै राज़ै दाबेदे गिह
ज़ुंण बिधाता दी भरोस्सअ डाहा, तिंयां आसा सियोन पर्बता ज़िहै,
ज़ुंण नां च़ुकदअ अर नां कधि ओर्ही-पोर्ही सिक्कदअ।
ज़ेही एरुशलेम नगरी फेर-फिरदी धारा आसा,
तिहअ रहणअ बिधाता आपणीं परज़ा फेर
आझ़ा पोर्ही सारी-सदा लै।
धर्मीं मणछे ज़ैगा प्रैंदै निं कदुष्ट मणछो राज़ सदा रहंदअ,
ताकि धर्मीं मणछ कदुष्ट मणछा ज़िहै कदुष्ट कामां बाखा नां फिरे।
बिधाता करा तिन्नां लै भलअ ज़ुंण भोल़ै आसा अर
ज़ुंण तेऊए हुकम मना।
पर ज़ुंण तेता का उंबल़ी बाता डेओआ,
तिन्नां लै दैआ सह तेही ई सज़ा ज़ेही कदुष्ट मणछा भेटा1।
सोभी इज़राईली लै लोल़ी मेल़-ज़ोल़ हुअ।
Source notes (1)
- Footnote सज़ा ज़ेही कदुष्ट मणछा भेटा तिन्नां भेटा घोर सज़ा
Kulvi Outer Seraji Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.