Ejekiel

Buk pa

EJEKIEL

Lanyut wilok madito ma i buk man

Lanebi Ejekiel ceng obedo i lobo Babilon, i kine ka mwaka miya abic ki pyere aboro wiye abicel ma peya kinywalo Rwotwa Yecu Kricito, ki bene ikare ma dong Jerucalem cok poto i cing mony me Babilonia. En otito lok ma pire tek bot jo ma onongo gitye i opii i lobo meno, wa ki bot jo ma gudong i Jerucalem ikare ca.

Ejekiel obedo dano matye ki niye matut ikom Rwot Lubanga kadi tame me ryeko bene nongo dit tutwal. Pol diro me ryekone onen ikit ma en miyo loke bot lwak kun mukene wok ki i ginanyuta. Kidok pwonye obedo dwong ki cal mapol ma nyutu te kare meno ma loke okemo.

Ejekiel bene oloko matek ni mite mada ni dano myero gulok tamgi me cwinygi wek odok nyen. Kidok bene ni obedo tic pa ngat acel acel me cung kun bene ye bale ma en otimo. Ka dok bene en otito lok ikom gen ma en tye kwede mamako roco kwo pa dano ki rok ducu me Icrael, ki en macalo ajwaka kidok bene lanebi; en bene onongo tye ki miti madit matek pi Ot pa Lubanga ki pi nenoni pe kikelo iye kit gin me keni mo, wek kigwok lengo me kabedo meno.

Lacim wilok madito ma i buk man

Lwongo pa Ejekiel

Lok matito kit ma kibityeko kwede Jerucalem

Ngolo kop pa Lubanga ikom rok mapatpat

Cike pa Lubanga bot jone

Lok me nebi ma kitito ikom Gog

Ginanyuta ma lanebi oneno ma kemo Ot pa Lubanga ki ma kwako lobo Icrael