Ejekiel 10

Deyo pa Lubanga oa woko ki i Ot pa Rwot

11

Ci aneno pete matye malo ka wi lukerubi, ci aneno gin mo matye ka wigi ma obedo calo komker ma kitiyo ki got capir ma bulu. 22Ci Rwot owaco ki laco ma oruku bongo camaninini ni, “Wot idony wa ikin lawala matye kawireni, ki piny katyen lukerubini, ci ijob bilo matye kawangi pong cingi ki ikin lukerubi, ci iket woko atata idye taun maditi.”

Ci aneno en kacito gire. 3Ikare meno onongo lukerubi gucung inget Ot pa Rwot tung kupiny, ci ka laconu dong odonyo i Ot pa Rwot; ci pol ocako pongo dyekal me Ot pa Rwot woko. 4Ci deyo pa Rwot oa woko ki ikom lukerubi ocito wa i dogola me Ot pa Rwot. Ci pol opongo Ot pa Rwot woko, ki dyekale bene opong woko ki deyo pa Rwot mameny amenya. 5Mor pa bwom lukerubi owinye wa idyekal matye woko, calo dwon Lubanga Matwero ducu ma onongo tye kalok.

6Ka dong ociko laco ma oruku bongo camaninini ni, “Kwany mac ki ikin lawala matye kawireni, ki ikin lukerubi,” ci laconu ocito odonyo ikin lawala ci ocung kanget lawala mo acel. 7Ci lakerubi mo oryeyo cinge ki ikin lukerubi wadigi okemo mac ma onongo tye ikin lukerubi, ci okwanyo lodi mac mogo, ka oketo i cing dano ma oruku bongo camaninini; ci danonu ogamo ci okato kwede woko.

8Lakerubi acel acel onongo tye ki gin mo ite bwome manen calo cing dano. 93Dok bene aneno ni inget lukerubi onongo tye iye lawala angwen, ki dok kanget lakerubi acel acel onongo tye iye lawala acel. Lawala ducu onongo giryeny calo kidi me wel. 10Gin ducu onongo ginen romrom, dok calo onongo lawala acel acel kiroyo odonyo ki ikin lawala wadi. 11Ka dong gucako wot, gicito ma gukemo yoo angwen mapatpat ma kun pe giloke kamo, ci kit yoo mo keken ma lawala ma anyim okemo, ci lawala mukenegu ducu gilubu ma pe giloke kamo ma nongo gitye kawot. 124Kom lawala magi, ngegi, cinggi, bwomgi, ki tyen gi ducu onongo gupong ki wang mapol ma orumugi woko ducu litit. 13Dong lawala magi awinyo ka kilwongo ni lawala ma wire calo “yamo lapiru.” 145

Lee acel acel onongo tur nyime tye angwen mapatpat: ci tur nyime mukwongo onongo nen calo tur nyime lakerubi, tur nyime me aryo onongo nen calo tur nyime dano, tur nyime me adek onongo nen calo tur nyime labwor, ki me angwene onongo nen calo tur nyime ocur. 15Magi aye gin lee mayam kong anenogi inget kulu Kebarni. Ci lukerubi gua gutuk woko i yamo. 16Ka inen lukerubi giwoto gicito, ci lawala bene woto kwedgi ki ikangetgi; ka inen lukerubi guilo bwomgi me tuk woko ki i ngom, ci lawala bene pud woto kacel kwedgi. 17Kace inen lee gucung nyo ka gua malo, ci lawala angweni bene gitimo kitmeno, pien cwiny leegu tye i igi mamiyo gitimo kitmeno.

18Ci deyo pa Rwot oa woko ki i dogola me Ot pa Rwot, onyiko ocung lamal ka wi lukerubi. 19Lukerubi guyaro bwomgi ci gutuk woko ki i ngom gucito ma an bene aneno, lawala bene onongo tye kawot kacel kwedgi; ci gucung i dogola matye tung kunyango me Ot pa Rwot, ki deyo pa Lubanga pa Icrael onongo tye ka wigi. 20Magi gin aye lee makwo mayam anenogi inget kulu Kebar ma otingo Lubanga pa Icrael iwi komkereni, ci aniang ni gin lukerubi.

21Lee acel acel onongo tur nyime tye angwen, bwome angwen, ki gin manen calo cing dano onongo tye ite bwome acel acel. 22Dong tur nyimgi onongo nen calo tur nyim ma nene aneno inget kulu Kebarni kikome. Gin ducu giwoto kacel kun ngat acel acel woto kemo nyime atir.