भजन संहिता

भजन संहिता

लिखने बालो

इस किताबी मां बड़ा भजना आन, भजन केरि किताब पुराने नियमेरी किताबन मरां अक्‍के, ज़ैस मां बडे लिखनेबालां केरां भजना आन। इस किताबरे लिखनेबालां केरां नंव्वां इना आन: दाऊद, आसाप, कोरहेरे खानदानेरे लोक, सुलैमान, एतान, हेमान, मूसा ते किछ लिखनेबालां केरां नंव्वां केरो पतो नईं। सुलैमान ते मूसेरे अलावा सब भजनां केरे लिखने बालन मरां या त याजक थी या लेवी थी ज़ैना दाऊद राज़ेरे राज़ केरनेरे वक्ते मां मन्दरे मां आराधनारे लेई संगीतेरे ज़िरिये सेवा केरते थिये।

लिखनेरी तारीक ते जगाह

लगभग 1440-430 ई. पू.

व्यक्तिगत भजना इतिहासे मां मूसेरे वक्ते तगर आन ते दाऊद, आसाप, सुलैमान ते एज्रा पंथेरे लोकन तगर आन। इसेरो मतलब ईए कि इस किताबी मां लगभग अक हज़ार सालां केरां भजना आन।

शुन्ने पढ़नेबाले

इस्राएली लोक ते एजने बाले वक्ते मां पवित्रशास्त्र पढ़नेबाले लोकां केरे लेई इन भजना लिखोरन।

मकसद

भजना केरे इना विषय राहोरेन: परमेशर ते तैसेरी सृष्टि, जंग, आराधना, अक्ल, पाप ते बुराई, सज़ाह, न्याय ते मसीहेरू एजनू। भजना पढ़ने बालां केरि हिम्मत बद्धातन कि तैना परमेशर ते तैसेरे कम्मां केरि तारीफ़ केरन। भजना इश्शे परमेशरेरे महान भोनेरे बारे मां ज़ोतन। मुसीबतरे वक्ते तैसेरी वफादारी साबत केरतन ते असन तैसेरे वचने पुड़ ध्यान लानेरे बारे मां याद करातन।

खास मुद्दो

परमेशरेरी तारीफ़

रूपरेखा

इस किताबरे पंच़ हिस्से एन्च़रे सेइं आन:

पेइलो हिस्सो

दूइयोवं हिस्सो

ट्लेइयोवं हिस्सो

च़ेवरोवं हिस्सो

पंच़ोंव हिस्सो