Bhadrawahi Bible
भजन संहिता 131
परमेशरे पुड़ भरोसो
दाऊदेरू सफरेरू गीत
हे यहोवा, न मेरो दिल घमण्डे सेइं
ते न मेरी नज़र घमण्डे सेइं भरोरी भोए;
ज़ैना गल्लां बेड़ि ते मेरे लेई बेड़ि मुश्किलन,
तैन सेइं अवं कम न रेखी।
सच़्च़े मीं अपनो मन शान्त ते च़ुप कियोरोए,
ज़ेन्च़रे दुद्ध छुटेवरो बच्चो एपनी अम्मरे कुम्मे मां बिशते
तेन्च़रे दुद्ध छुटेवरे बच्चेरो ज़ेरो मेरो मन भी रहते।
हे इस्राएल, अज़्ज़ेरां पत्ती हमेशा-हमेशा यहोवा पुड़ उमीद लेइतां रा!
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.