Bhadrawahi Bible
भजन संहिता 82
सच़्च़े न्यायेरे लेई बिनती
आसापेरू भजन
परमेशर महान सभाई मां खड़ोए:
तै ईश्वरां1 केरे दरमियान न्याय केरते।
“तुस लोक केइस तगर आदालती मां गलत फैसले केरतां,
दुष्टां केरि तरफदारी केरते राले? (सेला)
कंगालन त अनाथन न्याय देथ,
गरीबां केरो खियाल धर्मे सेइं केरा।
कंगाल ते गरीबन बच़ेइतां
दुष्टां केरे हथ्थे करां तैन छुटाथ।”
तैना दुष्ट लोक न त किछ ज़ानन, तैन समझ़ न एज्जे,
तैना आंधरे मां टेपलोइतां हंठतन फिरतन,
धेरतरी सारी मुनीयाद हिल्ली गाचे।
मीं ज़ोवरू थियूं, “तुस ईश्वर आथ,
ते सब ज़ेत्रे भी आथ सब परमप्रधान परमेशरेरां मट्ठां आथ।2
फिरी भी तुस मैन्हु केरे ज़ेरे मेरि गाले,
ते कोन्ची प्रधानेरे ज़ेरे बिछ़ड़ी गाले।”
हे परमेशर, उठतां धेरतरो न्याय केर;
किजोकि तूए सारे राष्ट्रन अपने अधिकारे मां केरेलो।
Source notes (2)
- Footnote ईश्वरां ज़ैन लोक सोचतन कि तैना ईश्वर आन
- Cross-reference यूह. 10:34.
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.