Bhadrawahi Bible
भजन संहिता 67
शुक्रेरू भजन
बज़ानेबालां केरे प्रधानेरे लेई तारीबाले बाज़न सेइं भजन
परमेशर असन पुड़ अनुग्रह केरे ते असन बरकत दे;
तै अपने तुत्तरेरी लौ असन पुड़ चमकाए, (सेला)
ज़ैस सेइं तेरी बत ज़मीनी पुड़,
ते तेरी कियोरी मुक्ति सारे कौमन मां ज़ानी गाए।1
हे परमेशर, मुल्ख-मुल्खेरे लोक तेरू शुक्र केरन,
मुल्ख-मुल्खेरे सब लोक तेरू शुक्र केरेले।
रियासतां-रियासतां केरे लोक आनन्द केरन,
ते जयजयकार केरन,
किजोकि तू मुल्ख-मुल्खेरे लोकां केरो धार्मिकताई सेइं न्याय केरेलो,
ते दुनियारे रियासतां-रियासतां केरे लोकां केरि अगवाई केरेलो। (सेला)
हे परमेशर, मुल्ख-मुल्खां केरे लोक तेरू शुक्र केरन;
मुल्ख-मुल्खेरे सब लोक तेरू शुक्र केरन।
ज़मीन अपनि फसल देचे,
परमेशर ज़ै इश्शो परमेशरे, तैने असन बरकत दित्ती।
परमेशर असन बरकत देलो;
ते दुनियारे दूर-दूर मुल्खां केरे सब लोक तैसेरो डर मन्नेले।
Source notes (1)
- Cross-reference लूक. 2:30-31;तीत. 2:11.
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.