Bhadrawahi Bible
भजन संहिता 23
परमेशर अपने लोकां केरो पुहाले
दाऊदेरू भजन
यहोवा मेरो पुहाले;1
मीं कोई कमी न भोल्ही।2
तै मीं सब्ज़-सब्ज़ घासेरे ठारन मां च़ारते;3
ते सुख देनेरे पैनेरे नागन कां नेते;
तै मेरी जानी ताज़गी देते।
ते अपने नंव्वेरे खातर धार्मिकतारे बत्तन मां
मेरी अगवाई केरते।
चाए अवं बड़े आंधरी वैदी मांमेइं भोइतां च़ेलि,
फिरी भी अवं नुकसाने करां न डेरेलो;
किजोकि तू मीं सेइं साथी रहतस;
तेरे सोटे4 ते तेरी लट्ठी सेइं मीं तसल्ली मैलतीए।
तू मेरे सताने बालां केरे सामने मेरे लेई रोट्टरे मेज़े बिछ़ातस;
तू मेरे दोग्गे पुड़ तेल मलतस,
मेरो कुटोरो छ़लकने लगोरोए।
पक्की भलियाई ते करुणा सैरी उमरी
मीं सेइं साथी-साथी राहेली;
ते अवं हमेशा यहोवारे घरे मां रेइलो।
Source notes (4)
- Footnote यहोवा मेरो पुहाले यहोवा रोही
- Cross-reference यशा. 40:11.
- Footnote च़रनेरे लेई ते आराम केरनेरे लेई अक रोड़ी ठार
- Footnote सोटे सोटो जंगली जानबरन निशान्नेरे लेई भोतो थियो
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.