Bhadrawahi Bible
भजन संहिता 126
सिय्योनेरी खुशी सेइं वापसी
सफरेरू गीत
ज़ैखन यहोवा सिय्योने1 मां वापस एजनेबालन वापस आने,
तैखन अस सुपना हेरने बाले ज़ेरे भोए।
तैखन अस खुशी सेइं हसने
ते जयजयकार केरने लग्गे;
तैखन इश्शे बारे मां कौमी-कौमी मां ज़ोवं गातू थियूं,
“यहोवा, इन सेइं साथी बड़ां-बड़ां कम्मां कियोरन।”
यहोवा असन सेइं बड़ां-बड़ां कम्मां कियोरन;
ते इस सेइं अस खुशी अहम।
हे यहोवा, दक्षिण मुल्खेरे नालां केरे ज़ेरे,
इश्शे कैदन वापस आन!
ज़ैना बीज़ ऐंखरन सेइं बेतन,
तैना खुशी सेइं कट्टेले।
चाए बेनेबालो बीज़ नेइतां लेरां देतो च़लो गाए,
पन तै फिरी फैक्की घिन्तां पक्को जयजयकार केरतो वापस एज्जेलो।2
Source notes (2)
- Footnote सिय्योने ज़ैखन यहोवा असन गुलैमी करां आनेलो तैखन यहोवा असन खुशहाल बनालो। सिय्योन यरूशलेमेरू दूइयोवं नंव्वे।
- Footnote फसल बेनेरो हिंवतड़े भोतो थियो ते अप्रैले मां कटनेरो वक्त थियो।
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.