Bhadrawahi Bible
भजन संहिता 125
परमेशर अपने लोकां केरि ताकते
दाऊदेरे सफरेरू गीत
ज़ैना यहोवा पुड़ भरोसो रखतन,
तैना सिय्योन पहाड़ेरे ज़ेरेन,
ज़ैन टले न, बल्के हमेशा टिकोरू रहते।
ज़ैस तरीके सेइं यरूशलेमेरे च़ेवरे पासे पहाड़न,
तैस्से तरीके सेइं यहोवा अपने लोकां केरे च़ेवरे पासन
अज़्ज़ेरो देंतो ते हमेशा तगर बनोरो रालो।
दुष्टां केरो राज़दण्ड धेर्मी केरे हिस्से पुड़ बनोरो न रालो,
एरू न भोए कि धर्मी अपने हथ बुरे कम्मेरे पासे रखन।
हे यहोवा भले लोकां केरो
ते सिद्धे मने बालां केरू भलू केर!
पन ज़ैना मुड़तां ट्लेढी बत्तां च़लतन,
तैन यहोवा अनर्थ कम्मां केरनेबालन सेइं साथी केढी देलो!1
कि इस्राएले शान्ति मैल्हे।
Source notes (1)
- Footnote केढी देलो कैद या मौत
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.