Bhadrawahi Bible
भजन संहिता 93
परमेशरेरे राज़्ज़ेरी महिमा
यहोवा राज़ोए; तै महिमारां लिगड़ां लेइतां आहे;
यहोवा तियारे, ते शेक्तरो पटको बेन्धतां,
इस वजाई सेइं दुनिया कायमे, तै हिल्ली न बटे।
हे यहोवा, तेरो तखत बड़े पेइले करां कायमे,
तू हमेशा करां आस।
हे यहोवा, दरिया गरज़ने लगोरेन,
दरियां केरि बड़ी आवाज़ शुनोने लगोरीए,
दरिया गरज़तन।
महा समुन्दरेरे आवाज़ी करां,
ते समुन्दरेरी छ़ेलहन करां,
तखते पुड़ बिशोरो यहोवा बड़ो महाने।
तेरे कानून भरोसेरे काबलन;
हे यहोवा, तेरे भवने जुगे-जुगेरी पवित्रता शोभा देतीए।
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.