Bhadrawahi Bible
भजन संहिता 87
परमेशरेरू नगर सिय्योनेरी तारीफ़रे लेई
कोरह खानदानेरे लोकां केरू भजन
यहोवारी मुनीयाद पवित्र पहाड़े पुड़ रख्खी जेवरीए;
ते यहोवा सिय्योनेरे फाटकन मरां याकूबेरे सारे रानेरे ठारन1 करां जादे प्यार केरते।
हे परमेशरेरे नगर,2
तेरे बारे मां महिमारी गल्लां ज़ोवरिन। (सेला)
अवं ज़ान-पिशानी बालन सेइं रहब ते बाबेलेरी भी चर्चा केरमेले;
पलिश्त, सोर ते कूशे3 हेरा:
“ई तैड़ी पैदा भोवरो थियो।”
ते सिय्योनेरे बारे मां इन ज़ोवं गालू,
“इन मरां हर एक्केरू ज़र्म तैस मां भोवरू थियूं।”
ते परमप्रधान परमेशर तैस एप्पु कायम रख्खे।
ज़ैखन यहोवा मुल्खे-मुल्खेरे लोकां केरां नंव्वां लिखतां गनेलो, तैखन इन ज़ोलो,
“ई तैड़ी पैदा भोवरो थियो।” (सेला)
गीतां ज़ोनेबाले ते नच़ने बाले दूईये ज़ोले,
“इश्शे सारे चशमे तींए मां आन।”
Source notes (3)
- Footnote ठारन यरूशलेमेरू नगर
- Footnote परमेशरेरे नगर यरूशलेमे जो परमेशरेरू नगर ज़ोतन।
- Footnote कूशे इथियोपिया
Bhadrawahi Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.