Yubu

Buk pa

YUBU

Lanyut wilok madito ma i buk man

Dong i dul lok adek mapatpat lacoc onyutu kamaleng kit ma lurem Yubu ki en Yubu kikome gutato te peko ma opoto ikom Yubuni. I agikine Lubanga kikome, ma kit ma en tiyo kwede ki dano, ma obedo teguti me tato telok man, aye onyute bot Yubu.

Lurem Yubu gutito pi can ma otime ikom Yubu kun lubu pwony me dini me kare meno. Gin onongo tamo ni Lubanga pwodo lubalo ento miyo gum bot jo ma kitgi beco. Pimeno can pa Yubu nyutu ni en otimo bal. Ento ki tung bot Yubu tam pa lureme lam mada pien en ebedo dano ma kite atir adada dok elworo Lubanga, ma weko en pe eromo limo pwod ma lit kitmeno. Yubu otito ni pe eromo niang kit ma Lubanga weko can malit poto ikom dano macalo en, ma oweko en openyo Lubanga me tite te pekone. Yubu pe orwenyo niyene kono olego ni myero emede ki bedo dano ma opore inyim Lubanga dok emede ki bedo dano ma kite atir ma lworo Lubanga.

Lubanga pe ogamo lapeny pa Yubu ento odok ilok ma mako niye pa Yubu ki peny madongo ma nyutu dit, twero ki ryeko pa Lubanga. Yubu cutcut omwole kun oye ni Lubanga dit ci ongut pi lok lataya ki akemo.

Agiki me buk man nyutu kit ma Lubanga odwoko gum ki lonyo pa Yubu cen ma ododo kit ma en onongo tye kwede con. Lubanga ki tungcel oketo lewic ikom lurem Yubu pien gin pe guniang guti me can pa Yubu. Kono Yubu keken aye oniang ni Lubanga dit loyo kit ma dano niang kwede.

Lacim wilok madito ma i buk man

Kit ma lok kom Yubu ocake kwede

Yubu ki lureme

a. Yubu obako doge

b. Dul lok mukwongo

c. Dul lok me aryone

d. Dul lok me adeke

e. Ryeko pire tek

f. Lok pa Yubu me agiki bot lureme

Lok pa Eliu

Rwot ogamo dog Yubu

Kit ma lok kom Yubu ogik kwede