خرُوج

خرُوج

پیش لفظ

لفظ خرُوج دا مطلب ہے ”روانگی“ تے ایہ لفظ اِسرائیل دی تاریخ دے سبھ تُوں خاص واقعے دو اِشارہ کریندے جیہڑا اِیں کتاب ءچ بیان کیتا گئے یعنی اِسرائیل دے لوکاں دا مِصر تُوں روانہ تھیوݨ جِتھاں او غلام ہَن۔ اِیں کتاب دے چار خاص حصے ہِن:

مِصر دی غلامی تُوں ازادی،

سِینا پہاڑ تئیں بنی اِسرائیل دا سفر،

سِینا پہاڑ اُتے خُدا دا آپنڑے لوکاں نال عہد،

تے بنی اِسرائیل کیتے عبادت گاہ دی تعمیر، تے کاہِناں تے عبادت دے بارے ءچ قانون۔

اِیندے علاوہ ایہ کتاب ایہ وی بیان کریندی ہے جو خُدا کِینویں بنی اِسرائیل نال مستقبل دے بارے ءچ وعدے کر تے اُنہاں کُوں آپنڑے کیتے ہِک چُنڑی ہوئی قوم بنڑایا جیہڑی ڈُوجھیاں قوماں تُوں مختلف ہووے۔ اِیں کتاب ءچ خُدا دے علاوہ مرکزی کردار موسیٰ دا ہے، جِینکُوں خُدا مِصر تُوں آپنڑے لوکاں دی راہنمائی کیتے چُنڑیا ہا۔ کتاب دا سبھ تُوں مشہور حصہ ”ڈاہ حُکم“ ہِن۔