नीरगमन

नीरगमन

नीरगमन

उळखान

नीरगमेन किताप मां अब्‌राहामेन अवल्‌यातेन बारामां जो कांय हयो तीना काजे अघो बड़ावे, जी कळीन किताप मां चालु हवली। नीरगमन बुलेन मतलब छे “बाहर नीकळनु”, जेरो मतलब छे, ईस्‌रायली देसेन माणसे काजे मीस्‌र देस मां सी नीकाळीन तीना देस मां पछा जाणु, जेरु वायदु यहोवा भगवान अब्‌राहाम सी करलु। ने पीड़ी-डीट रूप सी, अक्‌कल वाळु मानतेला, की नीरगमेन अधुस किताप भगवानेन अघली वात बताड़न्‌यु मुसु लिखलु, ने असो लागे की जी वात खुदेन किताप मां सी पतु चाले।

बाहरती वात

1. कसा ईस्‌रायेली माणसे काजे मीस्‌रे देस मां गुलाम बणावला।

2. मुसान बारामां बताड़े ने तीनी टेम तक तींद्‌री जीवाय्‌न बारामां बताड़े की, जत्‌यार तीनुक यहोवा भगवानेन माणसे काजे बचाड़ने करीन बुलावला।

3. अळतेन लिखंद्‌रा बताड़े की, कसा यहोवा भगवान मीस्‌रे देस मां मटा-मटा छेलभात्‌या काम ने गरा उबजाड़्‌यु, काहाकी आपणा माणसे काजे तीना देस मां सी, ने फीरोन राजान सीपायड़ा सी बचाड़नु।

4. जां सी ईस्‌रायल देस सीनाय बयड़ा सी तक गुयु।

5. यहोवा भगवान मुसा काजे नेम कायदु आप्‌यु, तेरेमां यहोवा भगवानेन माणसे, मतलब ईस्‌रायली माणसे काजे कसा जीवाय जीवणु, ने सेवा भक्‌ती करनु तेरे बारामां पुरी सला छे।

6. ईस्‌रायली माणसे मुसान भाय हारून काजे सोनान केवड़ान तसी मुरती बणावणे वाटे राजी करीन यहोवा भगवानेन वीरुद मां हमलु कर्‌या।

7. मुसु भगवानेन बड़ाय काजे देख्‌यु, ने अळतेन ईस्‌रायली माणसे काजे भगवानेन नेम कायदान बारामां बताड़्‌यु, ने बताड़्‌यु की तम्‌बु, पेटी ने डेरा मां सेवा भक्‌ती वाटे दीसरान तसी चीज, ने पुजारा वाटे खास पुथल्‌या कसा बणावे।