उबजणाय कीताप

उबजणाय कीताप

जानकारी

उबजवा सब्‌द नु मतलब से “सुरुवात” अने आहयी बायबल नी पुराना नेम नी पेल्‌ली कीताप से, मुल हीब्‌रु भासा नी सुरुवात बी आहया सब्‌द सी हये। सुरु मे आहयु देखाड़े के आखु कंय कां गेथु आयु अने खास करीन माणहु ह़ाते भगवान नो वेहवार कीकम सुरु हयो। आज जानकारुम नी पांह तीहया माणेह नीता माणहु ना बारा मे कंय मकसत से जे उबजणाय कीताप लीख्‌या अने आहयु बी के आने कारु लीखला हता। कंय माणहु नु माननु से के आने 5-6 वी सताब्‌दी ईसु पयदा हयवान पेले पुराणा कागजात सी एक्‌ठा कर्‌या हहे। बेबीलोन मे आड़जात्‌या माणहु पेले गेथी करता आय र्‌या तीहयी रीती-भाती ने माने के मुसो 1300 नीता 1400 साल पेले उबजणाय कीताप, अने अळी नीरगमन नी कीताप, लेव्‌यवेवस्‌था नी कीताप, अळी गीनती नी कीताप, अने वेवस्‌थावीवरण नी कीताप लीखलो हतो।

उबजणाय कीताप मे खास जानकारी से जे ईसु वाळा ने बायबल नी बचला हीस्‌सा, पुराणा अने नवला नेम बेम ने ह़मजवा मे मदत करे। आहयु आमने देखाड़े के पाप कळी मे कीकम आयो अने माणहु ने एक छुटकारो आपण्‌या नी जरवत से। आहयी माणहु ने बचाड़वा नी भगवान नी योजना ने बी उजन्‌ती करे। आने ईसु ना बारा मे पेल्‌ली भगवान वगे गेथी केदली वात (

रुपरेखा

1. भगवान कळी अने आदम अने हवा ने बणायो।

2. आदम अने हवा, तीमना पाप अने तीमना कुळ ना बारा मे।

3. नुह अने मुसळ-धार्‌यो पाणी ना बारा मे देखाड़े।

4. नुह नी टेम अने अब्‌राहम नी टेम नी वच मे ह़ु हयु, जीनी मे बाबेल नो मीनार बी से।

5. अब्‌राहम अने तीना घोराणा ना अने ईस्‌रायल राज्‌य नी सुरुवात ना बारा मे से।

6. अब्‌राहम अने तीनी लाडी सारा नी जीवाय।

ईसाक अने तीनी लाडी रीबीका नी जीवाय,

7. याकुब अने तीना सोराम नी जीवाय अने कनान गेथो मीस्‌र तक जेलो तीना बारा मे।

8. याकुब ना मोंगाळ्‌ळा सोरा युसुफ नी जीवाय ना बारा मे देखाड़े अने आहयु बी देखाड़े के तीहयो कीकम मीस्‌र देस नो अदीकार्‌यो बण्‌यो।