Nia

Buk me aryo pa Moses ma kilwongo

NIA

Lanyut wilok madito ma i buk man

Buk man kilwongo “Nia” nyutu lok mapire tek ma mako wot pa jo Icrael me a ki i lobo Ejipt inge bedo opii kunu pi mwaka miya angwen kulu.

Buk man kipoko iye i dul angwen: (i) gonyo jo Icrael ki i opii; (ii) wot me cito ite got Cinai; (iii) cike pa Lubanga ki jo Icrael iwi got Cinai ma omiyo botgi cik ma mako berbedo, cik ma mako lobo ki cik me woro Lubanga; (iv) yubu kema kama jo Icrael omyero guwor iye Lubanga ki cik ma mako ajwaki pa Lubanga kacel ki yo ma atir me woro Lubanga.

Makato ducu, buk man tito kore ki kore kit ma Lubanga olaro kwede jone ma onongo gubedo opii ka dok olokogi gudoko rok madit kun gitye ki gen pi kwogi me anyim.

Ngat mapire dit tutwal en aye Moses ma onongo loko ki Lubanga wang ki wang. Moses obedo ka kubu kin Lubanga ki jo Icrael. Aron obedo lakony kore me kubu lok ma Lubanga owaco bot lwak pa Lubanga pien Moses onongo ladwal.

Buk man pire tek tutwale bot jo pa Lubanga pien obedo kama kinongo iye Cik apar pa Lubanga tyen mukwongo ki i Baibul 20:1-17.

Lacim wilok madito ma i buk man

Kwanyo jo Icrael ki i Ejipt

a. Bedo opii pa jo Icrael i Ejipt

b. Nywalo Moses ki kwone

c. Moses ki Aron inyim rwot Parao

d. Karama me Kato kacel ki a ki i lobo Ejipt

A ki i Nam Makwar nio kwede iwi got Cinai

Cik apar ki gicike

Kema me woro Lubanga ki cik ma mako woro