Nia 20

Cik apar

(Nwo 5:1-21)

1Lubanga oloko lok man ducu kun waco ni, 2“An a Rwot Lubangawu, mayam akwanyowu woko ki i lobo Ejipt, kama wubedo opii iye.

3Pe iwor lubanga mukene kono an kena. 41

Pe iyub cal apayani mo, nyo cal gin mo matye malo i polo, nyo matye piny iwi lobo, nyo gin matye i pii ma ite lobo. 52Pe iryebe piny inyimgi, pe iworgi; pien an aye a Rwot Lubangani, an Lubanga ma lanyeko. Aketo can ikom likwayo pi bal pa kwarogi nio i yalwak me adek ki me angwen pa jo madaga. 6Ento anyutu mar ma pe loke ikom jo alip ki alip ma gimara, ma gimako cika. 73

Pe ilwong nying Rwot Lubangani nonono; pien Rwot abimiyo pwod ikom dano malwongo nyinge nonono. 84

Po pi nino me Cabit, ikwer obed maleng. 95Ibitic matek nino abicel, kun itiyo iye tici ducu; 10ento inino me abirone en aye Cabit pa Rwot Lubangani. Inino meno pe igud iye tic mo, in ki komi, nyo wodi, nyo nyari, kadi opiini, kadi angecani, kadi dyangi, kadi labedo mabedo ikinwu. 116Pien inino abicel aye Rwot yam oyubu iye polo ki nam ki jami ducu matye iye, ci oywe ikom nino me abirone; ma omiyo Rwot omiyo gum ikom nino me abiro, ci olonyo ceng Cabit obedo maleng. 127

Wor woru ki meni, wek irii pi kare malac i lobo ma Rwot Lubangani bimiyo boti. 138

Pe ineki. 149

Pe i tim abor. 1510

Pe ikwal gin mo. 1611

Pe ibed caden me goba ikom lawoti. 1712

Pe iwek cwinyi opuke ikom ot pa lawoti; pe iwek cwinyi opuke ikom dako pa lawoti, kadi ikom opiine nyo ikom angecane, nyo ikom twone, nyo ikom kanane, nyo kadi ikom gin mo ma lawoti tye kwede.”

Lworo pa lwak

(Nwo 5:22-33)

1813

Ikare meno ka dano guneno piny mor ki lutkot mabedo ka wil awila, ki dwon obute ki yito ma oboyo kom got woko, ci lworo omakogi, komgi omyel. Gucung ki cen kamabor, 19ci guwaco bot Moses ni, “In aye ilok kwedwa, ci wabiwinyo; ento pe iwek Lubanga aye olok kwedwa; miyo wato woko.” 20Ci Moses owaco bot lwak ni, “Pe wulwor; pien Lubanga obino katemo cwinywu, wek wubed ki lworo ikome, wek pe wubal.”

21Ci lwak gucung ki cen kamabor, kun Moses cito cok ki pol ma ocido licuc kama Lubanga tye iye.

Cik ma mako keno tyer

22Rwot owaco bot Moses ni, “Wac bot jo Icrael kit man ni, ‘Wun dong wuneno pirwu kenwu ni Rwot otyeko lok kwedwu ki ipolo. 23Pe wubiyubu cal lubanga me ryal me nywako bedo kacel kweda, pe wubiyubu cal lubanga me jabu bene pirwu kenwu. 24Wuyuba keno tyer ki lobo, wutum iye gitum awanga ki tyer lakwecwiny, romiwu ki twoniwu; ikabedo ducu ma ayero ma amito ni kiwora iye, ka otimo man ci abibino iye kamiyowu gum. 2514Ka Ibiyubu keno tyera ki got, ci pe iyub ki got ma kipayo; pien ka iyubu ki got ma kipayo, ci doko gipyeda inyima. 26Pe wuyub keno tyera ki rwom me yitone, miyo munerowu binen ka wuito malo.’”