ማዝሙርያ

ማዝሙርያ ማጻፋ

ገሉዋ

ዳዊታ ማዝሙሪ (ማዝሙርያ ማጻፋይ) ጌሻ ማጻፋ ግዶን ማዝሙርያነ ዎሳ ማጻፋ ግዲደ ኤረቴ። ሀ ማጻፋ ጊግሴዳዋንቱ አዱሳ ዎደቱዋ ግዶን ቤቴዳ ዱማ ዱማ አሳቱዋ። እት እት ማዝሙረቱዋ ካቲ ዳውት ጻፌዳዌ አማነቴ። ሀ ማዝሙረቱዋነ ሀ ዎሳቱዋ ሺሺደ፥ ባረንቱ ጎይኑዋ ዎድያን ጎኤቲድ ጋምኤዳዋንቱ እስራኤልያ አሳቱዋ። ጉየፐ ጋምኢደ ባረንቱ ጌሻ ማጻፋቱዋ ግዶን ገልሴድኖ።

ሀዋንቱ አያናፐ ጻፈቴዳ ግንጻቱ ጮራ ቆሞ፤ ኡንቱንቱካ ጋላትያነ ጾሳዉ ጎይንያ ግንጻቱዋ፥ ጾሳይ ማዳና ማላ፥ ናጋና ማላነ ሳሮ ዎና ማላ ዎስያ ዎሳቱዋ፥ ናጋራፐ ማረታናዉ ሺሽያ ዎሳቱዋ፥ ጾሳ አንጁዋባ ኦድያ ጋላታ ሳባቱዋነ ሞርከቱዋ ሙራና ማላ ጾሳዉ ኦድያ ማጋናቱዋ። ሀ ዎሳቱ እት ኡራይ ባረካ ዎሴዳ ዎሳቱዋነ ጮራ አሳይ እትፐ ዎሴዳ ዎሳቱዋ። ኡንቱንቱፐ እቱ እቱ እት ኡራ ዎዛናን ስሰቴዳ ሴላ ቆንጭስያዋንታ። ሀራቱ ቃይ ጾሳ አሳይ ኡባይ ኮይያዋነ አሳዉ ኡባዉ ስሰትያ ሀኖታቱዋ በስያዋንታ።

የሱስ ታማርሲደ ማዝሙርያ ማጻፋፐ ቦች ቦች አኪደ ታማርሴዳ። ኦራ ጫቁዋ ጻፌዳዋንቱካ አን ጻፈቴዳዋፐ ባረንቱ ጻፍያ ማጻፋ ግዶ ገልሴድኖ። ዎሳ ጎላታ ኤቆደፐ ዶማደ፥ ማዝሙርያ ማጻፋ ጎይኑዋ ዎጋዉ ጎኤትያ ዎልቃማ ምንጁዋባዳን ፓይዳዉ።

ሸምፓቱዋ ኡባቶ እመቴዳ ቃን ቆፋቱዋ

1. ኮይሮ ማጻፋ

2. ላኤን ማጻፋ

3. ሄዘን ማጻፋ

4. ኦይደን ማጻፋ

5. እቼሸን ማጻፋ