Skip to content
BibleKenya

Dawro Full Bible Ethiopic

ማዝሙርያ 143

ጾሳ ማዱዋ ደማናዉ ሺቄዳ ዎሳ

ዳውት ጻፌዳ ማዛሙርያ

አቤት መና ጎዳዉ፥ ታ ዎሳ ስሳ፤ ታ ዋትዋቱዋ ሀይዛ።

ኔን ጽሉዋነ አማነትያዋ ግድያ ድራዉ፥

ታዉ ዛሩዋ እማ።

ነ ስንን ጽሎ ግዳና አሳይ ባዋ፤1

ሄዋ ድራዉ፥ ታና ነ ቆማ ፕርዳዉ ሺሾፓ።

ታና ታ ሞርኪ የደርሲደ፥

ቢታና ጋ ክንቼሬዳ፤

በን ሀይቄዳ አሳቱዋዳን ታና ማን ዎዳ።

ሄዋ ድራዉ፥ ታን ህዶታ ቃንጻድ፤

ታ ዎዛናይካ ይባቴዳ።

ታን በን ዎደቱዋ ሀሳያይ፤

ኔን ኦዳ ኦሱዋ ኡባ ዛራ ዛራደ ቆፓይነ

ነ ኩሺ ኦዳዋ አኬካይ።

ታን ታ ኩሽያ ኔኮ ምጫድ፤

መላ ቢታይ ሃ ኮይያዋዳን፥

ታ ሸምፑ ኔና ሳመቴ።

አቤት መና ጎዳዉ፥ ታዉ ዛሩዋ እማናዉ ኤሌላ!

ታን ህዶታ ቃንጻድ።

ታን ዱገ ዱፉዋን ገልያ አሳቱዋ ማላ ግደናዳን፥

ነ ሶምኡዋ ታፐ ገንፓ።

ታን ኔና አማነትያ ድራዉ፥

ዎንታ ዎንታ አገና ነ ሲቁዋ ታና በሳ።

ታን ታ ሸምፑዋፐ ኔና ዎስያ ድራዉ፥

ታን ባናዉ በስያ ኦግያ ታና ታማርሳ።

አቤት መና ጎዳዉ፥ ታን ኔኮ ባቃቴዳ ድራዉ፥

ታና ታ ሞርከቱዋፐ አሻ።

ኔን ታ ጾሳ ግድያ ድራዉ፥

ታን ነ ሸንያ ኦና ማላ፥ ታና ታማርሳ፤

ሎኦ አያናን ታና ሱረ ኦግያ ካለ።

አቤት መና ጎዳዉ፥ ነ ሱን ድራዉ፥ ታና አሻ፤

ነ ጽሎተን ታና መቱዋፐ ከሳ።

አገና ነ ሲቁዋን ታ ሞርከቱዋ ዎ፤

ታ ባልጋራቱዋ ኡባ ይሳ፤

አያዉ ጎፐ፥ ታን ነ ቆማ።

Source notes (1)
  1. Cross-reference ሮመ 3:20፤ ጋላ. 2:16

Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.