Skip to content
BibleKenya

Dawro Full Bible Ethiopic

ማዝሙርያ 20

ካትያዉ ዎሳ

ዛማረቱዋ ካፖ የጸቴዳ፥ ዳዊታ ማዝሙርያ

ኔን መቶቴዳ ዎደ መና ጎዳይ ነ ዎሳ ስሶ፤

ያቆባ ጾሳ ሱንይ ኔና ምንሶ።

ባረ ጌሻ ሳኣፐ ነዉ ማዱዋ ኪቶ፤

ጽዮነፐ ኔና ዘምፕሶ።

ነ ያርሹዋ ኡባ እ ነዉ ሀሳዮ፤

ነ ጹግያ ያርሹዋን ናሸቶ።

ነ ዎዛና አሙዋ ነዉ እሞ፤

ነ ሀልቹዋ ኡባ ፖሎ።

ነ ጾኑዋ ድራዉ፥ ኑን ናሸቻዉ ሆምቦጫና፤

ኑ ጾሳ ሱንን ኑ ባንድራ ቁ ኦና።

ኔን ዎሴዳዋ ኡባ መና ጎዳይ ነዉ እሞ።

መና ጎዳይ ባረ ዶሬዳ ካትያዉ

ጾኑዋ እምያዋ ታን ብሮ ኤራይ።

እ ባረ ጌሻ ሳሉዋን ስሳና፤

ባረ ኡሸቻ ኩሽያን ዎልቃማ ጾኑዋ አዉ እማና።

እቱ እቱ ባረንቱ ኦላ ፓራይ ጎችያ ጋርያን፥

ሀራቱ ባረንቱ ፓራን ጬቀቲኖ፤

ሽን ኑን መና ጎዳ ኑ ጾሳ ዎልቃን ጬቀቴቶ።

ኡንቱንቱ በቲደ ኩንዳና፤

ሽን ኑን ደንዲደ፥ ምን ኤቃና።

አቤት መና ጎዳዉ፥ ካትያዉ ጾኑዋ እማ፤

ኑን ኔና ጼስያ ዎደ ስሳ።

Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.