Dawro Full Bible Ethiopic
ማዝሙርያ 63
ጾሳ ኮዩሳ
ይሁዳ ባዙዋን ደእያ ዎደ ዳዊታ ማዛሙርያ
አቤት ጾሳዉ፥ ኔን ታ ጾሳ፤
ታ ዎዛናይ ኔና ላሞቴ፤
ታ አሹካ ኔና አሞቴ።
መል ዛኤዳ፥ ሃ ባይና ቢታዳን
ታ ኩመን አሳተይ ኔና ሳመቴ።
ታን ኔና ጌሻ ሳኣን በኣድ፤
ነ ዎልቃካ ነ ቦንቹዋካ ታን በኣድ።
አገና ነ ሲቁ ደኡዋፐ ሎእያ ድራዉ፥
ታ እንጻርሳይ ኔና ቦንቻና።
ታ ደኡዋ ላይን ታን ኔና ጋላታና፤
ነ ሱንን ታ ኩሽያ ፑደ ምጫና።
አሳይ ሎኦ ቁማ ካልያዋዳን፥
ታ ሸምፓታ ኔናን ካላና።
ታን ታ እንጻርሳን ናሸቻ የን ኔና ጋላታና።
ታን ታ ግሱዋን ኔና ሀሳያይ፤
ቃማ ኡባን ነባ ቆፓይ፤
አያዉ ጎፐ፥ ኔን ታና ማዴዳዋ።
ታን ነ ቀፍያ ኩዋን ኡታደ፥ ናሸቻዉ የጻይ።
ታን ነ ማታ ሺቃ ኡታይ፤
ነ ኡሸቻ ኩሺ ታና ኦይቂደ ናጌ።
ሽን ታና ዎና ኮይያዋንቱ፥
ቢታ ጋርሳ ጪሞ ሳኣን ሞገታና።
ኡንቱንቱ ማሻዉ አደ እመታና፤
ኡንቱንቱ ባባርቂያ ካተ ግዳና።
ሽን ካቲ ጾሳን ናሸታና።
ጾሳ ሱንን ጫቂያ ኡባይ አ ጋላታና፤
ሽን ዎርዱዋ ሃሳይያዋንቱ ዶናይ ጎርደታና።
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.