Dawro Full Bible Ethiopic
ማዝሙርያ 146
ማዳ ጾሳዉ ጋላታ
መና ጎዳ ጋላትተ!
ታ ሸምፓቴ መና ጎዳ ጋላታ!
ታ ደኡዋ ላይ ኡባን፥
ታን መና ጎዳ ጋላታና፤
ታን ደኤዳ ኬናን ኡባን
ታ ጾሳ ሳባና።
አሳይ አሻናዉ ዳንዳየና ድራዉ፥
አሳ ካፓቱዋን አማነቶፕተ።
ኡንቱንቱ ሸምፑ ከስያ ዎደ፥
ኡንቱንቱ ቢታዉ ስሚኖ፤
ኡንቱንቱ ሀልቹ ኡባይ
ሄ ጋላስካ አት አጌ።
ያቆባ ጾሳይ ማድያ ኡራይነ
መና ጎዳ ባረ ጾሳ ባረዉ ህዶታ ኦያ ኡራይ፥
አንጀቴዳዋ።
መና ጎዳይ ሳሉዋነ ሳኣ፥
ዎልቃማ አባነ አ ግዶን ደእያዋ ኡባ፥
መዳዋ፤1
እ መናዉካ አማነትያዋ።
እ ናቀቴዳዋንቶ ፕርድያዋ፤
ኮሻቴዳዋንቶ ቁማ እምያዋ።
መና ጎዳይ ቃሸቴዳዋንታ ብሌ፤
መና ጎዳይ ቆቀቱዋ ጼልሴ።
መና ጎዳይ ኩንዴዳዋንታ ደን፤
መና ጎዳይ ጽሎቱዋ ሲቄ።
መና ጎዳይ በተቱዋ ናጌ።
አምኤቱዋነ አዉ ባይና ናናቱዋ ማዴ፤
ሽን ኢታቱዋ ኦግያ ባለ።
መና ጎዳይ መናዉ ካተቴ።
ጽዮኔ፥ ነ ጾሳይ፥
የለታፐ የለታ ጋካናዉ ካተታና።
መና ጎዳ ጋላትተ!
Source notes (1)
- Cross-reference ኪታ 4:24፤ 14:15
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.