Dawro Full Bible Ethiopic
ማዝሙርያ 47
ጾሳይ አላምያ ኡባ ካትያ
ዛማረቱዋ ካፖ የጸቴዳ፥ ቆረ ናናቱዋ ማዝሙርያ
ካዉተቱ ኡባይ ህንተ ኩሽያ ባቂተ፤
ቃላ ቁ ኦደ፥ ጾሳዉ ጋላታ የጽተ።
ኡባፐ ቂያ መና ጎዳይ ያየታናዉ በሴ፤
ሳኣ ኡባ ቦላን እ ዎልቃማ ካትያ።
ጋድያ አሳ ኑፐ ጋርሳና፥
ካዉተቱዋካ ኑ ገድያፐ ጋርሳና ዎደ፥
ኑዉ ሞድሴ።
እ ኑዉ ላትያ ቢታ ዶሬዳ፤
ሄ ቢታይ፥ እ ሲቅያ ያቆባ ዛራቱ ጬቀትያዋ።
ጾሳይ ፑደ ካዉተ አራታ ከሴዳ።
መና ጎዳይ ፑደ ከስያ ዎደ፥
ናሸቻ ሆምቦጨይነ ማላካታ ፑናይ ስሰቴዳ።
ጾሳ ሳቢተ፤ ኤ፥ አ ሳቢተ።
ኑ ካትያ ሳቢተ፤ ኤ፥ አ ሳቢተ።
ጾሳይ ሳኣ ኡባ ካትያ ግድያ ድራዉ፥
ጋላታ ሳባ ሳቢተ።
ጾሳይ ባረ ጌሻ ካዉተ አራታን ኡቴዳ፤
ጾሳይ ካዉተቱዋ ኡባ ሞዴ።
ካዉተቱዋ ካፓቱ፥
አብራሃማ ጾሳ አሳቱዋና እትፐ ሺቂኖ።
አያዉ ጎፐ፥ ሳኣን ደእያ ዎልቃማቱ ኡባይ ጾሳሳ፤
እ ሎይ ቁ ጌዳ።
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.