ማዝሙርያ 99

ጾሳይ ጽሉዋነ ጌሻ

1መና ጎዳይ ካዉቴዳ!1 ሄዎ አሳቱ ኮኮርኖ።

ክሩበቱዋፐ ግዱዋን ካዉተ አራታ ቦላ ኡቴዳ፤

ሄዎ ቢታይ ቃጾ፤

2መና ጎዳይ ጽዮነን ዎልቃማ፤

ካዉተ ኡባፐ እ ቁ ቁ ጌዳ።

3ዳሮፐ ያሽያ አ ዎልቃማ ሱን፥

ኡንቱንቱ ኡባይ ጋላትኖ።

እ ጌሻ!

4ኔን፥ ዎልቃማ ካቲ፥ ልከ ፕርዳ ዶሳሳ።

ኔን ያቆባ አሳዉ ሱረተ ምንሳዳ።

ጽሎተነ ልከ ፕርዳ ኤሳዳ።

5መና ጎዳ ኑ ጾሳ ቁ ቁ ኦተ፤

አ ገዲ የያሳን ጉፋኒደ አዉ ጎይንተ።

እ ጌሻ!

6ሙሴነ አሮነ አ ቀሰቱዋ ግዱዋፐ ላአቱዋ፤

ሳሜልካ አ ሱንን ዎሴዳዋንቱፐ እቱዋ።

ኡንቱንቱ መና ጎዳዉ ዋሴድኖ፤

እካ ኡንቱንቶ አሌዳ።

7እ ሻርያ ቱሳ ግዱዋና ኡንቱንቶ ሃሳዬዳ፤2

ኡንቱንቱ እ እሜዳ ህግያነ ዎጋ ናጌድኖ።

8አቤት መና ጎዳዉ፥ ኑ ጾሳዉ፥

ኔን ኡንቱንቱ ዎሳ ስሳዳ።

ኔን ኡንቱንቱ ኢታተ ድራዉ ሙሬዳዋ ግዶፐካ፥

ኡንቱንቶ አቶ ጌዳ ጾሳ።

9መና ጎዳ ኑ ጾሳ፥ ቁ ቁ ኦተ፤

አ ጌሻ ደርያ ቦላን አዉ ጎይንተ፤

አያዉ ጎፐ፥ መና ጎዳይ ኑ ጾሳይ ጌሻ!