ማዝሙርያ 95

ጋላሳ ጋላሳ ማዝሙርያ

1ሃይተ፤ አነ መና ጎዳ ሳቦይተ።

ኑና አሽያ ዛላዉ ናሸቻዉ የጾይተ።

2አ ስን ጋላታና ሺቆይተ።

ጋላታ የ ናሸቻን የጾይተ።

3አያዉ ጎፐ፥ መና ጎዳይ ዎልቃማ ጾሳ፥

ጾሳቱዋ ኡባ ቦላ ዎልቃማ ካትያ።

4ቢታ ጪማቱ አ ኩሽያን ደኢኖ፤

ደርያ ሁጰቱካ አዋ።

5አባ ሃይካ አዋ፤

ሄዋ እ መዳ፤

መላ ቢታካ አ ኩሺ ኦዳ።

6ሃይተ፤ ሆኪደ አነ አዉ ጎይኖይተ፤

ኑና መዳ መና ጎዳ ስንን ጉልባቶይተ።

7አያዉ ጎፐ፥ እ ኑ ጾሳ።12

ኑን አ ቆሩዋን ደእያ አሳቱዋ፤

ኑን እ ሄምያ አ ዶርሳ ዉደቱዋ።

ጾሳይ ህንተና ግያዋ ሀች ስስተ!

8“ካሰ ህንተ ማይዛ አዎቱ፥

ማሪባ ግያ ሳኣን ሀኔዳዋዳን፥3

ሄ ጋላስ ማሳ ባዙዋን እጼዳዋዳን፥

ህንተካ ዞርያ አከናን እጾፕተ።

9ኡንቱንቱ ታ ኦሱዋ በኢደካ፥

ታና ኤቀቴድኖነ ፓጬድኖ።

10ታን ሄ የለታ ኦይታሙ ላይ ሻተታድ፤

‘ኡንቱንቱ ኡባ ዎደ ባረንቱ ዎዛናን ባሊኖ፤

ኡንቱንቱ ታ ኦግያ ኤርበይክኖ ያጋድ።

11ሄዋዳንካ ቃይ፥ ታን ሀንቀታ ጫቃደ፥4

ኡንቱንቱ ታ ሸምፑዋሳ ኡባካ ገልክኖ’ ያጋድ” ያጌ።