ማዝሙርያ 14

ጾሳይ ባይና አሳቱዋ

ዛማረቱዋ ካፖ የጸቴዳ፥ ዳዊታ ማዝሙርያ።

1ኤያቱ ባረንቱ ዎዛናን፥1 “ጾሳይ ባዋ” ያጊኖ።

ኡንቱንቱ ደኡ ባዬዳ።

ኡንቱንቱ ሸነይያዋ ኦኖ፤

ሎእያዋ ኦያ አሳይ ባዋ።

2ጾሳ ኮይያ ኤራንቻቱ ደእንቶነ

በአናዉ፥ መና ጎዳይ ሳሉዋፐ ዱገ አሳ ጼሌ።

3ሽን ኡባይካ ዎራ ስሜድኖ፤

ኡባይካ ኡባና ጎኤናባ ግዴድኖ።

ሎእያዋ ኦያ ኦንነ ባዋ፤

ሀራይ አቶ እቱነ ባዋ።

4መና ጎዳይ፥ “ሀዋንቱ ታ አሳ፥

አሳይ ቁማ ምያዋዳን ቦንቂ ሚኖ።

ኢታ አሳቱ ቱሙ አያነ አኬክክኖ?

ኡንቱንቱ ታና ዎስክኖ” ያጌዳ።

5ሽን ጾሳይ ጽሎ አሳቱዋና ደእያ ድራዉ፥

ኢታቱ ሄዋን ዳጋማና።

6ኡንቱንቱ ህዬሳቱዋ ቆፋ ሀልሲኖ፤

ሽን መና ጎዳይ ህዬሳቱ ባቃቲደ፥ ቆሰት አትያ ሳኣ።

7እስራኤልያዉ አቶተይ ጽዮነፐ ዬረኔ!

መና ጎዳይ ኡንቱንቱ ደኡዋ ዛርያ ዎደ፥

ያቆባ ዘረይ ናሸታና፤

እስራኤልያ አሳይ ናሸቻ ፖጩ ጋና።