Mihilimo

CHITABU CHA

MIHILIMO

ULONGOZI

Ulongozi Ichitabu cha 1 na 2 cha Mihilimo chendaga chitabu chimwenga chikulu aho kale. Kwa nkanana ya nkongo vyendaga vitabu vidi mwe chitabu cho utapita cha lagano dya kale mwe longa dya kale dya Chigiliki mwe chitabu chikwitangwa Sepugianti. Zina dya nkongo dye ichitabu che mihilimo mwe Chiyahudi ni kugamba, “Mbuli zilaile mwe mazuwa yalozize yajinkile.” Wasomi walozize wazumila kugamba Ezila nuyo awandike ivitabu ivyo vya 1 na 2 vya Mihilimo na iviya Ezila na Nehemiya. Mwandika kajeseza nkongelo zilozize, vikatendesa ivitabu vya Samuel na ivitabu vya Maseuta, mokuvidamanya ivitabu vino. Seivyo wawandika walozize wazumila kugamba chawandikagwa mwe inusu ye iakaline ya shano Henati kwelekwa Kulisito, vyadaha kutenda umo Ezila echei mjima.

Ivitabu vya 1 na 2 Mihilimo vyakonga na uludongo lo lweleko kulawa Adamu kubula Ibulahimu, na nkongelo ya awantu wa Izulaeli kubula ichipindi Waizulaeli wakauya uko wasamizizwaga. Kulawa aho vitabu vye imihilimo ulukumbusa lwa Waizulaeli kulaila mo udumo wo ulongozi wa Seuta Sauli kubula ukugwa kwa Yelusalemu. Mndani mwe ivitabu vyose ivyo vye imihilimo, mwandika awandike kalongesa mbuli ze Inyumba ya Chohile uko Yelusalemu. Daudi kamalanya mbuli nkanana zilozize kuizenga uhya Inyumba ya Chohile 1 Mihilimo kukongela sula ya 28-29 na vikaheza mwanawe Sulemani niyo aizenga 2 Mihilimo sula ya 2-7. Mwandika we ichitabu cha Mihilimo seivyo evilikiza ivyo Inyumba ya Chohile ibalangwe na iviya vyakwe kuguhigwa, 2 Mihilimo Sula ya 36 msitali wa 15-21. Kwa kubindiliza msitali wo udumo 2 Mihilimo sula ya 36 msitali wa 23 wevilikiza Inyumba ya Chohile ivyo na izengwe uhya.

Yemndani mwe ichitabu cha 2 Mihilimo

Chitabu chino chatambalisa wikazi no useuta wa Sulemani seuta ywa Izulaeli sula 1-9

Chitabu chino chatambalisa ivyo kwepagula kwa Izulaeli na Yuda no ulukumbusa lwa amasekulu wa Yuda kukongela aho useuta ukongile kubula weze webungwe sula 10-36.