व्यवस्थाविवरण

व्यवस्थाविवरण

व्यवस्थाविवरण

व्यवस्थाविवरण

भूमिका

पवित्र बाईबल इन सुरवात इन “पंचग्रंथ” इन पाचवा किताब हुन. अदरी मूसा अन उपदेशगोळ, भाषणगोळ अदिक मातगोळ अदिक निर्देशगोळव “विवरण” इन रूप दा प्रस्तुत माळकु आग्याद. ग्रंथकार इन अनुसार मूसा ईव प्रवचन इस्त्राएलगोळी आ समय कोटीदुन, याग आंदुर निर्जन प्रदेश इन लंबा यात्रा इन बाद्दा मोआब द्याश दा ड्यारा हाक्कु ईरोर, अदिक कनान द्याश मा कब्जा माळोरसाटी अदुर दा प्रवेश माळोर ईरोर.

व्यवस्था विवरण दा अनेक महत्वपूर्ण मातगोळ संकलित आर:

मूसा बित्सदव चालीस वर्षगोळ दा घटीत महान घटनागोळ इक याद माळतान, अदिक इस्त्राएलगोळी याद दीलुसतान कि परमेश्वर याता प्रकार निर्जन प्रदेश दा आऊन मार्गदर्शन माळसुसतेला ईत्तुन. अत: आंदरी परमेश्वर उन प्रति आग्याकारी अदिक निष्ठावान आग पायजे.

मूसा हत्त आग्यागोळव पुनरावलोकन माळतान, अदिक पयला आग्या अन मतलब मा विशेष जोर हाकतान. आव इस्त्राएलीगोळ आह्वान माळतान कि आंदुर सीर्फ प्रभु परमेश्वर उन आराधना भक्ति माळुल.

तत्पश्चात आव अन्य विधी-निषेध इन नियमगोळ पुनरीक्षण माळतार, यार से इस्त्राएलीगोळ जीवन शासित आदीत, याग आंदुर कनान द्याश दा बसुसेदार. आंदुर ऊंद अच व्यवस्था अन अधिन एकाकृत आराधना-समुह आदार.

व्यवस्था विवरण इन ईद केन्द्रीय आचार-संहिता राजा योशियाह अन राज्यकाल दा धर्मसुधारगोळ आधार आदुर

मूसा इस्त्राएलीगोळ आ विधान इन भी याद दिलुसतार, जो परमेश्वर आंदुर सांगुळ स्थापित माळदुन. मूसा इस्त्राएलगोळी आदेश कोळतार कि विधान इन अनुबन्धोगोळ पालन प्रतिबध्दता देल माळुल.

यहोशु उक ईद दायित्व सौप्सकु आगतद कि आव मूसा अन पश्चात परमेश्वर उन नीज लॉकुर्द नेतृत्व माळुल.

परमेश्वर उन सत्य-प्रेम इन संबंध दा हाळ हाळोद अदिक इस्त्राएली समाज इन आखरी आशीर्वाद कोळोद बाद्दा मूसा अन निधन आगेगतद.

व्यवस्था विवरण ग्रंथ इन केन्द्रीय विचार ईद हुन कि परमेश्वर तान नीवळुस्द इस्त्राएली लॉकुर से प्रेम माळतान. आंदुर ईदुर लायक ईला ईरोर; तरी भी आव आंदुर ऊळ्सदुन अदिक आंदरी आशीष कोट्टुन. इस्त्राएली कौम इक ईद याद ईटोद बिद्दीत अदिक आंदरी भी तान प्रभु परमेश्वर से प्रेम माळोद अदिक आदुर आग्या अन पालन माळोद बीद्दीत, ताकी आंदुर जीत्ता ईरूल अदिक परमेश्वर उन आशीष आंदुर मा हमेशा बरसुसतेला ईरूल. किताब इन ईद दृष्टिकोण दुसरा “ऐतिहासिक ग्रंथ” मतलब यहोशु शासक, शमूएल 1-2 तथा राजा 1-2 अन रचना-शैली दा भी कांळ्सकु बीळतद.

व्यवस्था विवरण ग्रंथ इन अध्याय 6 इन पद 4-6 अत्यन्त महत्वपूर्ण मान्सकु आगताव. ईव इस्त्राएलीगोळ दैनिक प्रार्थना अन सुरवात इन शब्द हुव अदिक भक्तिमय सदाचरण मा जोर कोळतार: “तान प्रभु परमेश्वर उक तान सप्पा दिल अदिक तान सप्पा शक्ती देल प्रेम माळसुसोद”.

रूपरेखा

मूसा अन पयला प्रवचन

मूसा अन दुसरा प्रवचन

(क) हत्त आग्यागोळ

(ख) व्यवस्था अन अन्य नियम अदिक चेतावनीगोळ

कनान द्याश दा प्रेवेश माळोद निर्देश

मूसा अन तीसरा प्रवचन :विधान वाचा अन पुनरीक्षण

मूसा अन आखरी वचन

मूसा अन मृत्यु