Skip to content
BibleKenya

व्यवस्थाविवरण

Deuteronomy

Introduction from this edition

व्यवस्थाविवरण

व्यवस्थाविवरण

व्यवस्थाविवरण

भूमिका

व्यवस्थाविवरन क किताब मा, मोआब देश मा, मूसा लारे इसरालियो क आप्यो गोयो प्रवचनो क एक वातो क रूम मा सुव्यवस्थित कोर्यो गोयो छे। जोंगोल मा घोना टेम लोगुन भटकने क वाद, आखरी मा हये पुग्या हुत आरू कनान देश मा प्रवेश करीन हेर पोर होक कोरने त वाऴ हुता। इनी किताब मा लिख्यो गोयो घोनी खास वातो मा सी थुड़िक ओसी छे (1) मूसा पोछला चाळीस साल मा घटि महन घटनाओ क याद देवाड़े छे। हुयो मानसो सी अगवाय कोरे छे की हुये फोम राखे कि जोंगल मा परमेश्वर न कोसी ओकी ओगवाय कोर्यो, अत: हुयो परमेश्वर सी वफादार आरू ओका हुकुम क मानतो रोयो। (2) मुसा दस हुकुम क ओळि: निरिक्षन कोरे छे आरू पेहली हुकुम क मोतलोब पोर खास जुर देये छे, आरू केवल परमेश्वर क प्रति त समर्पित रोहनेक आह्वान कोरे छे। तीहुयो विभिन्न कायदा क वि पोछो: निरिक्षण कोरे छे जेरे ओनसारे वायदान देश मा इसराएलीयो क जिवन संचालन होयने हुतो। (3) मूसा मानसो क परमेश्वर क सात ओक बन्धी वाचा क मोतलोब सोमझाड़े छे, आरू ओका प्रति आपसो दायित्व क वादा क पोछो जोवतलो कोरने क वाराम कोरे छे (4) यहोशु क परमेश्वर क मानसो क अगळ अगुवो नेवाड़ कोर्यो जातो छे। परमेश्वर क विश्वासयोग्यता क गुणगान कोरने आरू इसराएली क गोत्रो क बोरकोत आपने क वाद, यरदन नदि क उगेवने मोआब मा त मूसा क मोत होय जाये छे। एनी किपात क खास वात-चीज यी छे कि परमेश्वर न आपोना नेवाड़ला मानसो क , जेरेसी हुयो मौंग कोरे छे, वाचाड़ियो आरू बोरकोत आप्यो; ओका मानसो क यो फोम राखनो छे, एने हेरेसी मोंग कोरनो छे, आरू ओक कायदा क मानो छे, तकीइ ओका पास जिवन होये, आरू हुये लगातार बोरकोकन क वारिसदारिया बोनला रोहे। एनी किताब क खास वात पद

रूप-रेखा

मूसा क पेहलो प्रवचन

मूसा क दुसरो प्रवचन

क. दोस हुकुम

ख. विधी, कायदा, आरू चेतावनियाँ

कनान मा प्रवेश क लिय निर्देश

वाचा क नवीनीसरन

मूसा क आखरी बुल

मूसा क मौत

Dhankavi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.