Dhankavi Bible
व्यवस्थाविवरण 14
शोक मनाने की वर्जित विधि
“तूमू आपना परमेश्वर योहोवा क पुर्य होय; एकालिय मोर्या होया क कारण न ती आपना डोल चिरनो आरू नी नोयना क झोटा मुँड़ानो। काहकी तू आपनो परमेश्वर योहोवा क लिय एक चुखलो समाज छे, आरू योहोवा न तुझ क कळ भोर क आखा देशोन मानसो मा सी आपनी निज धोन क लिय निवाड़ लेदो छे।
चुखलो एने वीटोळ डुर
(लैव्यव्यवस्था 11:1-47)
“तू काई भुन्डला चिज झुनी खाजी। ज डुर तुमू खाय सोकता होय चे ये छे, यानी गाय-बुईल, गाडरा-बुकड़ा, हरिण , चिकारा, मृग, जंगली बकरी, सांभर, नीलगाय, आरू जंगली भेड़। अत: डुरो मा सी जोतरा डुरे चिरे एने चिरा खुरवाळा आरू वेगल करनेवाळा होता छे ओको मांस तुमू खाय सोकजे होय। बाखुन वेगल कोरनेवाळा एने चिरे खुरवाऴा मा सी एना डुरो क, यानी उटड़ा, खरहा, आरू शापान क नी खानो, काहकी ये वेगल ते कोरता छे बाखुन चिरे क नी होये, ओस कोरीन हुये तुमरे लिय वीटोळ छे। ओळी सूअर, ज चिरे खुर क तो होये छे बाखुन वेगल नी कोरे, ओस कोरीन होयो तुमरे लिय वीटोळ छे। तूम न तो ओको मांस खानो, आरू न ओकी लोथ छिमजी।
“ओळी जोतरा जिवजन्तु छे हेरेमा सी तुमु एनूख खाय सोके , यानी जोतरा क पाखड़ा आरू छिलका होये छे। बाखुन जोतरा विगुर पाखड़ा आरू छोलटा क होये छे हेनुक तूमू नी खानो; काहकी हुये तुमरे लिय वीटोळ छे।
“सब चुखला चिल्ला क मांस त तुमू खाय सोके। बाखुन ओको मांस नी खाने , यानी उकाब, हड़फोड़, कुऱ; गरूड़, चील आरू भाँती-भाँतीन शाही, आरू भाती भाँतीन सब काग; शुतुर्मुर्ग, तहमास, जलकुक्कुट, आरू भाँति-भाँति के बाज; नाना आरू मोटो दुयू राष्ट्र कक उल्लु, आरू घुग्घू; धनेश, गिद्ध, हाड़गील; सारस, भाँति-भाँति के बगुले, हुदहुद, आरू चमगादड़। आरू जोतरा रेंगनेवाळा जंतु छे हुये सब तुमरे लिय वीटोळ छे; चे खाय नी जाय। बाखुन सब चुखलो पंखवाळा क मांस तुमू खाय सोके छे।
“जो आपसी मौत सी मर जाय हेनको तुमू झूण खाता; हेको तुमरा झपलान क हाहय कोय पारकान क खाने करीन दि देजो, या कोय पारकान क हात वेच सकतला; पुन तू थारा परमेश्वर यहोवन करता चुखलो समाज छे। बकड़ान गीदल्यान हेकी माय न दुध मा झुण चुड़वता।
दशमांश क नियम
“ बीज क आखी उपज मासी होर साल खेत मा उगे ओको दशमांस खोरी ओलग कोरीन राखजू। आरू जेना जागा क तारो परमेश्वर योहोवा आपना नाव क निवास ठहराने क लिय नेवाड़ ले हेरेमा आपनो ओन, आरू नोवला दाखमधु, आरू जेतुन तेल क दशमांस , आरू आपना गाय-बुईल आरू गाडरा-बुकड़ा क पहिलोठा आपना परमेश्वर योहोवा क अगळ खाया कोरनो; जेरेसी तुमु ओको बिक नित्य मानजु सीखसू। बाखून काहमाईन हुयो जागो जेना तारो परमेश्वर योहोवा आपनो नाव बोनाविन राखने क लिय नेवाड़ लेसे घोनो नांबे हो, आरू ओस कोरिन होंया क यात्रा तारे लिय ओतरी नांबी होय की तु आपना परमेश्वर योहोवा क बोरकोत सी मिळी चीजो होंया नी ली जाय सोके, ती हेनाक वेचिन, रूपया क बांधीन, हात मा लेदला होय हेना जागा पोर जानी ज तारो परमेश्वर योहोवा नेवाड़ लेसे, आरू होंया गाय–बैल, या भेड़–बकरी, या दाखमधु, या मदिरा, एने काई भाँति क चिज काहा नि हय, ज तारो जिव चाहे, ओको हेरेत रूपया सी मुले लीन आपसा घोराना भेळ आपना परमेश्वर योहोवा क अगळ खाइन खुशी कोरनो। आरू आपना झोपला क धोड़े क लेवी क नी छुड़नो, काहकी तारे साते ओको काइ वाटू एने अंश नि होयसे।
“तीन तीन साल क वितने पोर तीसरे साल क उपज क सब दशमांस निकाळीन आपना फाटको क धोड़ एकठो कोर राखजू; ती लेवीय जेरो तारे पुठि काई निज वाटो एने अंश नी होसे चो, आरू ज पारको, आरू विखावाळौ, आरू रोंडायला तारा झौपला क धोड़े होय, चे वी आवीन पेट भोरीन खाय; जेरेसी तारो परमेश्वर योहोवा तारा आखा कामो मा तुसे बोरकोत आपे।
Dhankavi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.