Nwoyo Cik

Buk me abic pa Moses ma kilwongo

NWOYO CIK

Lanyut wilok madito ma i buk man

Buk man me Nwoyo Cik kicoyo kore kikore malubu kit lok ducu ma Moses oloko bot jo Icrael ikare ma onongo gin dong gitye i lobo Moab, kama onongo gugony iye inge wot mabor adada i aroo ma onongo gicok donyo i lobo Kanaan.

Lok mogo ma pirgi tego i buk man gin ene: (1) Moses poyo wi dano pi jami madongo ma otime pi mwaka pyere angwen ma okato angec. Moses okok bot jo Icrael me po pi kit yo ma Lubanga otelogi kwede nia i aroo wek gubed jo ma luwiny ma gene bot Lubanga. (2) Moses onwoyo cik apar odoco kun tito telok me cik me acel kun lwongo dano me dyero kwogi bot Lubanga keken. Ka lacen en bene onwoyo tito lok ma mako cik mukeneni ducu me kwogi ka guo i lobo ca ma kiciko pire ni gin bio iyeni. (3) Moses bene opoyo wigi pi telok me gicike ma Lubanga ocike kwede botgi kun legogi me dyere kalubugi ducu. (4) Kiyero Yocwa me bedo latela pa jo pa Lubanga.

Lacim wilok madito ma i buk man

Lok mukwongo ma Moses oloko

Lok me aryo ma Moses oloko

Cik apar

Cik mukene

Cik ma omyero kilub ka kibidonyo i lobo Kanaan

Roco gicike

Lok pa Moses me agiki

To pa Moses