Nwoyo Cik 24

Cik ma mako nyom ki keto nyom

11

“Ka laco mo onongo dako ci onyomo, ce onongo roc mo ikom dakone makelo lewic. Ci twero coyo waraga me keto nyom, miyo i cinge, ryeme kwede woko ki i ode, ci dakoni a woko ki i ode. 2Ka laco mukene onyome, 3ce dok bene pe mite, ci coyo waraga me keto nyom, miyo i cinge ci ryeme kwede woko ki i ode, nyo ka cware me aryone oto woko. 4Ci cware mukwongo mayam oryeme woko ca pe dok binyome me bedo dakone; en myero onen dako meno calo gin me kwer inyim Rwot. Wun pe wubikelo bal ikom lobo ma Rwot Lubangawu bimiyo botwu me aleyawu.”

Cik mukene mapatpat

5“Ka laco mo pud onyomo nyen, pe bicito woko kacel ki mony, dok pe kibicwale i dog tic mo; en bibedo paco mot pi mwaka acel, wek obed ki yomcwiny gin ki dakone ma onyomoni.

6Ka imiyo den bot ngat mo, pe omyero iwek omii boti min kidi regone nyo nya kidi regone me ajenga pi banyani matye bote; meno rom ki jengo kwo pa dano. 72

Ka kinongo ngat mo kakwalo dano mo ki ikin Laicrael lawote, me timo en kit ma kitimo ki opii, nyo me cate woko, ci lakwo meno kibinekone woko; kitmeno miyo wubijwero tim marac woko ki ikinwu. 83

Wubed kun wugwoke matek ikom two dobo kun wutimo gin ducu kit ma ajwaka ma Lalevi bitito ki wun; kit mayam acikogi kwede, wubigwoke katiyo kitmeno. 94Wupo gin mayam Rwot Lubangawu otiyo ikom Miriam ki i yoo ma onongo wua ki i Ejipt. 105

Ka lawoti mo omako banya mo boti, pe ibicito i ode kaomo bongo ma en jengo boti. 11In ibicung ki woko, ci dano ma omako banya botini bikelo bongo ma ojengo boti ki woko. 12Ka en dano ma lacan, pe ibibutu ki bongo ma en ojengo boti. 13Ka ceng mito poto, in ibidwoko bongo ma ojengoni wek en obut ki bongone kun lamo ki in gum; ci bimiyo Rwot Lubangawu bineni macalo dano ma kite atir. 146

Pe ibiburu lapakacani mo ma lacan ma piny oloyo, kadi en bed omeru ma Laicrael nyo dano mo ma ikin lubedo ma gibedo i lobowu, i taunwu. 15Ibimiye mucarane inino ma otiyo iyeni ma nongo ceng peya opoto, pien en lacan, en bedo kaparo pire; wek en pe okok ikomi bot Rwot ci bedo bal ikomi. 167

Pe kibineko won latin pi bal pa wode, nyo latin bene pe kibineko pi bal pa wone; dano acel acel kibineko pi bale kikome. 178

Pe ibal te pido pa labedo mo nyo pa latin kic wek lok oloye, pe iter bongo pa dato me ajenga boti. 18Ento ibipo ni yam ibedo opii i lobo Ejipt ci Rwot Lubangawu okoki woko ki kunu, en gin ma omiyo aciko ni i tim kitmeno. 199

Ka ikayo cam i potoni, ce wii owil ki larita ngano mo iweko odong i poto, pe idok cen ka omone; dong bibedo pi labedo ki latin kic ki dato; wek Rwot Lubangawu omii gum ikom tic ducu ma ibitiyo. 20Kace igoyo yat jeitunini pi coko nyige, pe idok ibek obote; dong bibedo pa labedo ki latin kic ki dato. 21Ka icoko nyig olok ki i potoni, pe idok cen ka beko obote; dong bibedo pa labedo ki latin kic ki dato. 22Ibipo ni yam ibedo opii i lobo Ejipt, en gin ma omiyo aciko ni i tim kumeno.”