Nwoyo Cik 23

Jo ma kigengogi bedo i coke pa jo pa Lubanga

1“Dano ma kidino mane nyo ma kingolo kome me co woko pe bidonyo i coke pa jo pa Lubanga.

2Latin luk pe bidonyo i coke pa jo pa Lubanga; kadi wa likwaye me apare, wa acel mo pe bidonyo i coke pa jo pa Lubanga. 31

Dano mo pa jo Ammon nyo pa jo Moab pe bidonyo i coke pa jo pa Lubanga; kadi wa likwayogi me apare ngat acel mo ki ikomgi pe bidonyo i coke pa jo pa Lubanga matwal. 42Pien gin yam gukwero jolowu ki kwon ki pii ikare ma wua woko ki i Ejipt, dok bene yam gukelo Balaam wod pa Beor ki i Petor ma i Mecopotamia ci guwilo en ki lim wek ocenwu. 53Ento Rwot Lubangawu pe owinyo dog Balaam; oloko lok me cenowu odoko me kelo gum ikomwu, pien Rwot Lubangawu onongo marowu. 6Pe wutim gin mo makelo ki gin kuc ki berbedo matwal, pi kare me kwo mewu ducu.

7Pe ii okwer Laedom mo, pien en omeru. Pe ii okwer Laejipt mo, pien yam in labedo i lobone. 8Lutinogi ma kinywalogi ma likwayogi me adek gitwero donyo i coke pa jo pa Lubanga.

9Ka wucito kalweny ki lumerokwu, ma pud wutye i gony, myero wugwoke ikom gin maracu ducu.

10Ka tye laco mo ikinwu ma odoko keni pi gin ma otime bote i dyewor, ci en bicito woko inge gony, bedo kunu. 11Ento ka piny oyutu bilwoko kome ki pii, ci ka ceng opoto en twero dwogo i gony.

12Wubiyubu kabedo mo woko inge gony kama wubicito kakonye iye. 13Wubed ki tir ikin jami lwenywu; ci ka i nyongo kakonye ibikwinyo bur ki tir, ka iloke iumu wi coron ma meri woko. 14Pien Rwot Lubangawu woto limo dye gonywu pi larowu ki pi ryemo lumerokwu woko ki inyimwu, ma omiyo dye gonywu omyero obed maleng wek en pe onen gin mo ma keni ci miyo en loke wekowu woko.”

Cik mapatpat

15“Pe ibidwoko opii mo bot rwode kace en oringo rwode olaro boti. 16En bibedo ikinwu i kabedo mo ma en oyero ki ikin taunwu, kama iye mito; pe wubiune. 174

Kit me tim kwele me woro jogi obed peke ikin anyira Icrael, dok kit me tim kwele ki awobe mukene pi woro jogi obed peke ki ikin awobe Icrael. 18Pe wubikelo lim ma kinongo pi tim kwele nyo pi tim caro macalo gwok i Ot pa Rwot Lubangawu macalo cul me cobo kwongwu mo; pien gin ducu jami me kipyeda inyim Rwot Lubangawu. 195

Pe ibimiyo Laicrael lawoti mako banya boti me cente nyo me cam pi limo magoba, kadi banya me gin mo makelo magoba. 20Itwero mako magoba ikom banya ma imiyo bot dano me rok mukene, ento pe ikom banya ma imiyo bot Laicrael lawoti. Ka ilubu cik man ci miyo Rwot Lubangawu bimiyi gum ikom gin ducu ma ibitiyo i lobo ma dong wucok donyo iye me camoneni. 216

Ka ikwongo kwong mo bot Rwot Lubangani, pe ibed ka gale ki cobone; pien Rwot Lubangawu bipenyi pire ada, ci bibedo bal boti ka pe iculu. 22Ka pe ikwongo kwong, bal mo pe boti. 23Ento teke imiine ka kwongo kwong mo bot Rwot Lubangawu, myero igwoke mada kacobo lok ma okati ki i dogi.

24Ka iwok ki i dye poto olok pa lawoti, itwero camo nyige mabup macalo i mito, ento pe ibipiko mogo i kicaani. 25Dok ka iwok ki i poto pa lawoti ma ngano ocung iye, itwero jako wite ki cingi me acamani, ento pe ibiketo pala kac i ngut ngano mucung i poto pa lawoti.”