Njelo

Chitabu cha

Njelo

Ulongozi

Chitabu cha Njelo ni mdugano wa simo za umanyi. Wawandika wesimile walavya nchangizo wawo mwe ichitabu chino, mna seuta Selemani, mwana ywa Daudi, nuyo awandike njelo zilozize. Kwaviya Selemani nakamanyikisa ko umanyi wakwe, kwaviya mwe ichitabu chino chitabu cha 1 maseuta, chagambigwa kugamba uyo awandikaga njelo Elufu ntatu. Ivyo ntendele nkulu ye ichitabu cha Njelo yawandikagwa ni Selemani mwe ichipindi cho ujima wakwe, mwe kaline ya mlongo Kulisito Henati kwelekwa. Ntendele isigaile ye ichitabu chino, vyadahika yawandikagwa na kwikwa hamwenga mwe ichipindi cho ulongozi wa Hezekiya, ailongoze Yuda mgati mwe mihilimo Magana mfungate na mlongo na shano kubula mihilimo Magana mtandatu na milongo mnane na mtandatu Kulisito Henati kwelekwa, sula ya 25:1.

Njelo ni milosi ya umanyi idya kwa hamwenga ni ya chindedi, mna yesimana na milosi ya ndagano hegu uwoni. Kwa mligano, 22:6 yagamba wana wakulelwa mwe sila ichumile na watimile izisila izo kubula wakadalahala. Ivyo, njelo ino siyo lagano dikulonga udanti, hegu haditende ivyo mwana uyo umo akadalahala. Ukaleka, ni ulangilizi wedi udya ukwegamila kwe chindedi chikulu. Chitabu cha Njelo chenye chelongela chenye mwe ivyo chikulanga mwe Isula ya 1:2-6. Chalanga kuwambiza kwa sila mpufu wabwanga kubunkula umanyi na ulangilizi wedi, na hata kuwatenda wantu wata umanyi kutenda na umanyi utendese.

Yemndani

Njelo za Selemani Sula ya 1 kubula ya 22:16

Miduganyo midi ya milosi ya umanyi Sula ya 22:17 kubula ya 24

Miduganyo mituhu ya Njelo za Selemani Sula ya 25 kubula ya 29 Zino zachisanyagwa ni wandima wa seuta Hezekiya.

Kuhanganya na milosi ya Aguli Sula ya 30. Kuhanganya na milosi ya Lemueli Sula ya 31:1-9-6. Mo udumo, Sula ya 31:10-31 yalonga mwe lujendo lwa mvyele ywedi. 7.