Njelo 13

1Mwana mta ubala etegeleza malagizo ya tati yakwe,

mna mwana mbezi hakwetegeleza umo akalangilizwa.

2Mntu ywedi ahokela yedi kulawana ne imilosi yakwe,

mna wantu wadanti wabesa nkumbizi.

3Akudima umlomo wakwe adima ujima wako.

Mna mntu akuhonjomoka ekoma mwenye.

4Mntu mbwa abesa mna hakupata chochose,

mna mntu akubesa kuhikiliza enkigwa vilozize.

5Mntu mkanuni ehiwa udanti,

mna mwavu adamanya mbuli za soni na uhuza.

6Ukanuni wawadima wata lujendo luchumile,

mna masa yawagwisa wavu.

7Wantu wasiku weduvya kugamba ni wagoli,

mna hawana chintu. Watuhu wetenda ni wachiwa,

mna ni wagoli.

8Ugoli wa mntu wadaha kukombola ujima wakwe,

mna hahana mntu akudaha kumtisa mchiwa.

9Mchumi ni saviya ta ikulangaza,

mna mwavu ni saviya taa ikunga ife.

10Nchokonchoko yegala nkumbizi,

mna kuzumila ulangilizi wedi ni ubala.

11Ugoli wa chipumpa wasunguza kuusika.

Mna ugoli ukuchisanywa hadododo wajenyela.

12Msuhi wa kugojagoja walumiza moyo,

mna msuhi ukuchinta ni wegala ujima.

13Akulemela malangilizi yedi egaila nkunto,

mna akutimila imiko nenkigwe jeleko.

14Mahinyo ya wantu wata ubala ni sokwe ya ujima,

yamdahiza mntu kwenega na lufyusa lwa file.

15Kutenda na umanyi kwegala ntunyo,

mna sila ya wavu yaonyekeza kwe nkunto.

16Mntu mta ubala adamanya chila chintu kwa akili,

mna wantu mahezi welagisa uhezi wawo.

17Mlosi ehiye egaila wantu kwe nkunto,

mna mlosi mkanuni egala uhonyi.

18Mntu akubela ulangilizi egaila uchiwa na soni.

Mntu akwetegeleza ulangilizi atunywa.

19Msuhi uchintizwe ni mbwedo hadya ukupatila!

Mna wahezi wehiwa kwenega wavu.

20Akujesanya na wata ubala atenda na ubala.

Mna ukatenda umbuya na wantu mahezi nabanikilwe.

21Wata masa webungwa ni nkunto,

mna wantu wachumile nawajelekwe jeleko dyedi.

22Mntu ywedi awasiza ulisi welekwa wakwe,

mna ugoli wa mta masa nawenkwe wantu wakanuni.

23Nkonde ya mchiwa yegala ulozo ulozize,

mna wata kubunyanya waukubila ulozo wose.

24Mntu hekumlangiliza mwanawe hakumunga.

Mna mntu akumlangiliza mwanawe amunga.

25Mntu mkanuni ana nkande ikumchinta,

mna wata masa wakunta kwa gumbo mazuwa yose.